Sunday, January 18, 2009

شوية وقت

للتأمل
كل تعليقاتكم السابقة في قلبي
شكراً لكم

Wednesday, January 14, 2009

هم على هم


إذاعة "صوت لبنان" - برنامج "نقطة على الحرف"
الحلقة 771: منصور الرحباني يودّع منصور الرحباني
(ليـوم الأربعاء 14 كانون الثاني 2009)
كِنّا سوا، يومْها، والعصريِّه حزينِه، بِـ21 حزيران 1986، وكنّا عمنودِّع عاصي بِهاك الغرفِه السودا ع تلّة أنطلياس.
اتّكَيت ع كتفي وقلتلّي: "هلّق عمتدفْنو كلّ عاصي ونصّ منصور. مش باقيلْكُن منّي إلاّ بعض منصور".
لكنْ هالـ"بعض منصور"، من 20 سنِه لليوم، ما كان "بعض" منصور. كان "كل" منصور وكتير من حضور عاصي، لأنك بقيْتْ، بعد غياب عاصي، تِحكي بـ"الأخوين رحباني"، كأنّو عاصي واصل بعد شوي، و رح يدقّ الباب ويدخل علينا ونكمِّل معو الحوار.
ويوم الـ نَدَهْتْني من أسبوعَين، ع بيتَك نَدَهْتْني، و رحت توصّيني بالشباب: مروان، غدي، وأُسامة، وبالأعمال اللي عمْبِنشِرْلَك ياها كتُب، شِعر ومسرحيات، ما فهمتْ ليلتها - من دمعه حافيِه كابَرْتْ تَ ما تنْزل ع خَدَّك المتهدِّج - إنو هيدي كانت آخر جلسِه معك، قبلما تدخل عَ المستشفى، وتدخل بالغيبوبِه، وياخدك الغياب الأخير.
ما كنت عارف إنك نَدَهْتْني تَ تودِّعني وتروح.
لكن إنت من قبْل بكتير، كنت شايف الوداع الأخير، من يوم اللي سبَقَك عاصي ع الغياب. ومن قبل أكتر، يوم اللي كتبتلّو لِمروان القصيده اللي بتقول:
قلتلَّك انطرني، نِمْت ما نْطَرتْني... وعيد، ليلة عيد، سهرانِه الدِّني
ما قلت بدّو يشوفني؟ ما فهمت دخلَك شو بني؟
يَما إنت ما وصَّل لْعندَك العيد... ومش رح يوصِّل: بيتنا يا ابني بْعيد... بْيِتْعب العيد
وسكّرِتْ إمَّك عليك من الْهوا
شبابيكها... ومش عارفه إنو الْهوَا جايي على سهراتنا... علينا... عَ غنّيّاتنا
جايي يشلِّعنا الهوا... وقدّيش بدنا نضلّ نغمُر بعضنا...نتمسَّك... نعانِد... نشدّ بْبعضنا وبأرضْنا
نصرِخ: "يا هـاللي فوق، ردُّو هالْهوا"...ويا وراق حَور وقاعدِه تقاوم سوا
ستين سنه؟ سبعين سنه؟ وبعدين يا ابني كلّ ورقه بِدِني
ويا هوا حاجه تلبِّد ع البيوت... لاحق تفوت... لاحق تفوت... لاحق تفوت.
هالمرَّه الهوا لبَّد ع الباب وفات. لكن ما رح يلاقيك، يا منصور، لأنك صرت بعيد. صرت أبعد من إنو يطالك الموت لأنك صرت بقلوب الناس. الموت بيقدِر يْخلّع البواب ويفوت ع البيوت، لكنّو ما بيقدر يْخلّع الذكرى ولا يدخل ع قلوب الناس.
من 40 سنه كتبْتْ إنتَ وعاصي عن فخر الدين:
راجع بـصْوات البلابل
راجع بـغناني الحصّادين
راجع بـإيّام العْياد
طالِل من كتب المدارس وبدو يِخلق بقصص الولاد.
وهيك إنت يا منصور: متْلَك متْل عاصي، رح تضَلُّو تِخلقو متل ولاد مدلِج، مع كل شمس جديده ع لبنان الإبداع.
هنري زغيب

Tuesday, January 13, 2009

كل ما في قلبي

أشكر كل المدونين المتواصلين
للوضع الراهن ضغوطات أتعامل معها على مهل
عذركم على الاهمال في الرد على تعليقاتكم القيمة

be cautious
sensitive viewers

Thursday, January 01, 2009

خيانة أم الحل المرتقب الوحيد


قطر تنقل مساعداتها إلى غزة عبر مطار تل أبيب

ذكرت صحيفة معاريف الاسرائيلية ان وزيرة الخارجية الاسرائيلية تسيبي ليفني وافقت للحكومة القطرية على طلب نقل مساعداتها الطارئة الى غزة، عن طريق مطار بن غوريون الاسرائيلي في تل ابيب.وقالت الصحيفة ان قطر اتفقت مع ليفني على هذه الخطوة، بعد رفض مصر السماح لطائرات قطرية بالهبوط في سيناء، وفي تعقيب الصحيفة على النبأ قالت ان قطر هي الدولة الوحيدة التي تقيم علاقات علنية مع اسرائيل، لذلك لم ترغب تسيبي ليفني في رد طلبها هذا وسمحت للطائرات القطرية بالهبوط في مطار تل أبيب