آخر نكتة
-------------------------------------------------------------------------------------------
يعشق زوجته، لكنه يحاول مع كل صديقاتها
ترى لم يخون الرجال؟
وأنا، هل أخبرها؟؟
وماذا تكون النصيحة؟ أن تتركه؟
--------------------------------------------------------------------------------------------
في بلاد الرافدين، يحدث هذا؟؟
لا أستطيع تصور أن تعطش صغيرتي لهذا الحد
لا أستطيع تصور أن تبلغ الوحشية هذا الحد
آسفة مطقوق، سأتعلم أضافة فيديو للمدونة قريبا
20 comments:
أسعد الله مسائك
يعشقها ويدور على غيرها مو راكبه وما تصير في نفس الوقت !
الزواج مبنى الاحترام والمودة وإذا اى من الطرفين مو محترم الأخر فالأحسن الانفصال
إذا صديقتك أخبريها حتى توضع حد للموضوع يا أما يرجع لرشده
أو ماكو غدا :p
oh that topic.. the hurtful topic among all.. tell her, I had to live with this guilt as I was quiet for so long and when I spoke I got "you know this whole time and you never told me?"
and I knew that once she knew she felt devistated for a while, but relieved that she's not being taken for a fool anymore..
she can find someone who respects her to her face and behind her back.
is that too much to ask of men?
love you..
o smella 3ala sagheertech ={ had to come back for that one the earlier comment dragged me down.. what's happening to this planet..
ok I wouldn't say she leaves him this is totally up to her, some women accept that their men be with other women believing that it's only a phase and he'll come around to his sense, others don't approuve of such mislead and stand up for their dignity or what's left of it.. she'll survive, just a matter of time.. allah ye3eenha wala yabley 3yalna ={
سعود
تصدق عاد، يظهر لنا انها حبه الوحيد والأكيد، ومع ذلك
توضح حد للموضوع؟ أنا خايفة من هذه النصيحة
sponty
starting anew is very hard little cousin, i don't know if I should ask that much of her
i want to tell her to leave, but i don't know if i can be responsible for such a decision, selfish of me, i want to be in the clear, i really don't know what to do..
love more :)
مساء الحب والسعاده يا أغلى صديقه
هههههههه والله خوش نكته
والله يالغاليه اللي يحب ويعشق ما يشوف الا حبيبته لكن الاخ الظاهر من ربع اللي عندهم سويجات لقلوبهم يطفون ويشغلون على كيفهم
انا اقول كلموه وعقلوه والله كريم انشاء الله يعقل والله يهداه
وانا اكتب التعليق وصلني كومنت منج وشكرا ذوقج اللي حلو انشاء الله عجبج
يتبع
حسبي الله عليهم على هالقسوة
ويقولون بعد حقوق الانسان وهم ابعد عن الانسانيه
مساكين وااي عورني قلبي عليهم
عسى الله يعينهم على اللي هم فيه
ويفرج كربتهم
Personally, I prefer not to get in the middle of something like that. Let's face it, men cheat almost all the time. (cheating here is not necessarily physical)
If she loves him she'll eventually forgive him
وبالأخير انتي تطلعين بالشينة
انا أقول طوفي
stay away or just ignore it.. She'll find out on her own THAT if she doesn't know already.
However, you can always tell her what you know without giving an opinion nor judgments..
بس مجرد توصيل معلومة
و ما أضمن لك عدم التعرض للإحراج
وسلامتك انتي وطفلتك الصغيرة
da vinci
وشهد شاهد من أهله
:)
لا والله مو الكل، بس هذا الأخ حالته غريبة فعلاً، أقرب للحالة المرضية
وما يختار الا أقرب الناس لها
الا دافينشي كان شخصاً لعوباً؟ :)لازم تعرف شيئ عنه بما أنك اخترت اسمه
مملوحة عسل
خطر في بالي أنتظره أنا وربعي البنات عند باب بيتهم ونطيح فيه طق لما يصير آدمي، فيه أشكال ما يفيد معاها الا جذي
:)
أتساءل دائماً، عشان تكون في الجيش هل يجب أن تنزع الرحمة من قلبك، أم يجب أن تكون عندك رحمة مضاعفة؟
أٌقلقني كثيراً هذا الفيديو
صباح الخير والسعادة للملح كله
:)
papi
هذا الحل الأفضل لي فعلاً، بس هل هو الأفضل لها؟
لو كنت أنا مكانها، أسأل نفسي، هل أريد أن أعرف بالموضوع، ومذا سيكون شعوري لو عرفت انها تعلم وساكتة؟
والمصيبة ان على طرف لساني دائماً"هديه هد الله حيله" وغصب ماسكه نفسي
:)
انت شلونك يا قمر، والا متى القطيعة البلوقرية، كل يوم أمر أقول يمكن الله هداها الى سواء السبيل، تطلعين بعدج مو على سواء السبيل، متى يعني؟؟
:)
اشتقنا لك ولكتاباتك الحلوة
اما الخبر الاول
ضحكت عليه ربع ساعه
أهلاً نيلة الجميلة
بذمتج مو نكتة الموسم؟
لا وباجر راح يستعينون فينا لترسيم الحدود العراقية التركية ولتنظيم مجلس الشعب البريطاني
هو احنا شوية؟؟
سلام
أول شي مشكورة على تذكري و فعلا تمنيت اني ما شفت اللقطة لأنها فعلا تجعلك تهدأ قليلا و تعرف ان العالم لم يعد ابيض و أسود و رمادي
هناك الوان كثيرة لهذا العالم
ولين ,رديت اتفلسف
بالنسبة للوزير النيجيري ما عليه شرهة شكله يبي قرض أو منحة
أما عن موضوع الزوج
فأنا احذرك من أن تلفتي نظر صديقتك الى ما يفعل زوجها , صدقيني بتفتحين على نفسك باب لن تستطيعي اغلاقه و بالنهاية ستخسرين صديقتك و زوجها جميعا
خلك كول و لا تعطينه فرصة يكرر فعلته و من بعيد لي بعيد
كوني رجل و أفهم شعور الرجل فصراحة انا متفهم موقفه و ماني منصدم من كلامه و فعله لكن للأسف مهما شرحنا و تعذرنا ما راح تفهمونا يالحريم
:)
ترى هذا قاعد يتطنز علينا .. أقصد على الجود فاذار مالنا
أما عن موضوع صديقتج مع زوجها البصباص
أولا تصرفج لازم تحكمه درجة صداقتج لها .. يعني كل ما كانت قريبة أكثر كل ما كان أوجب عليج انج تقولين لها حتى لو كانت تدري أو عندها أحساس بهالشي بس عشان ما تيي تلومج بعدين إنج غبيتي عليها .. يعني آنا شخصيا ما أدري شنو كنت راح أسوي فعليا لو كنت بمكانج، تدرين الكلام غير الفعل .. بس لو كنت بمكانها .. اتمنى انني اعرف الصج
ولو إنني أدري موضوع المصارحة صعب .. بس اعتقد من حقها عليج كصديقة انج تنبهينها عشان ما تنام بالعسل
يعني ماني عارفة شهالحب العجيب .. أحبها بس ودي أجرب أنواع ثانية ... صج عين فارغة وطفاسة
والله يخلليلج مينا واختها واخوها
لا تفاولين على اليهال
سؤال بره الموضوع؟ زهبتي الجنطة؟؟
مطقوق
ودي أطقك
مساء الخير والصحه والعافيه
والله يطلع منج يا وايت
واذ تبين احد يساعدج في الطق تراني جاهزه
انا اكره الرجل الخائن لا وبعد مع صديقاتها؟؟؟ لا لا لا ما لازم نسكت له ناديني معاكم
الله يبعد عنا الخيانه من جميع احبائنا
هههه الله لايبعد السعاده عنك مثل ما اسعدتيني
تصدقين
كل ما اقرأ سالفة الوزير النيجيري
امووووت من الضحك
مطقوق
والله ياخوي محد فاهمكم، تحفون ورا الوحدة، ومن تصير بالايد تفقد جاذبيتها، يعني شلون نفهم هالشي؟
لا ويقولون للرجل العقل وللمرأة العاطفة، بالله عليك وين العقل في هالتصرفات؟؟
وبصراحة، بما أن عالية ودها تطقك، وأنا مشمرة عن ساعدي عشان المسعد زوج صديقتي، فراح نزورك أنا وعالية ونغير رأيك، بقوة العضلات
:)
خل بالك، وانظر خلفك دائماً
:)
عالية
هذا سؤال؟ مجهزة الجنطة وحاطة الجينز في وضع اللبس، يوم السفر راح أنط فيه وأشيل الجنطة وطيرن على المطار
:)
ومعك حق عزيزتي، أن نعيش في خدعة هو أعظم عذاب، وهي حاسة بس تبينا نشجعها تاخذ خطوة، قاعدة تتعذب وهي أطيب خلق الله
أف، ما في شي ماشي عدل هالأيام، يلا، سفر ولو اني قلقة على صديقتي وما أدري شلون بهدها
تهقين المسعول الكبير قاعد يتطنز :) بصراحة خوش مزحة
مملوحة
عسلا الله لا يخلينا من ضحكتك الجميلة، تصدقين أول مرة أشعر برغبة عنف بهذه الصورة في نفسي، ودي والله اطيح فيه طق لما يصير آدمي، اذا أنا أشعر جذي، الله يعينها هي
يبيلنا نسوي شي، مثل جمعية القضاء على الرجال الخونة،وأول أولوياتها فضح الخونة ومن ثم تحويلهم الى نيابة الزوجات العامة
اشرايج؟
مساؤك ملؤه الملح والسكر، يا سكر
:)
hints would help, but not directly, some women just cant take one word of criticizm when it comes to their "man"
Kila ma6goog, no wonder enek kela matgoog!
don't forget that hatha el tasarrof yo3tabar esteghfal, o enta put yourself in HER shoe, tkhayal el shakhs ely 3ataita 7ayatech ga3ed ye3eesh 7ayat thanya enta tadri karamtek ma tesma7 tmor feeha, ya3ni if it happened to me I'd think that ana mo emkafya ma3ah fa allah yehaneeh ma3a ely etkafy wetwafy bs b3eed 3anni, I'd rather live alone than live like a fool.
WhiteWing, I second Alia, it's true it has alot to do with how close are you, but either way at least tell her and let her make her choice, you can only help if she asks, don't forget that women are always in denial when it comes to such issues, and some choose to live it and let their men get away with for the sake of.. I have no idea what makes anyone accepts such situation,.. personally I don't care what choice is made as long as it's all in the open.
وايت
عاليا
سبونتانيوس
مشكورين على اثبات خطأ وجهة نظري بأن الحريم ما راح بفهمون الريال لو شيصير
أولا
بالنسبة للرجل
هل هي خيانة انه يطالع وحدة غير زوجته؟ هل اذا واحد تزوج على وحدة ثانية يعتبر خاين الأولى؟
نختلف بتحليل و الجواب على هذا السؤال
ثانيا
هل يجب عليك تنبيه صديقتك الى تصرفات زوجها النص كم؟
أكرر ان من وجهة نظري المفروض تطنشين السالفة و مالج شغل فيهم, أولا انتي ما تدرين شنو تفاصيل حياتهم و شنو مشاكلهم وين نقاط الضعف و القوة بعلاقتهم
يمكن تكون مقصرة معاه بناحية اهو محتاجها و يمكن يكون اهو مقصر معاها و ما يقدر يكون بالمستوى اللي اهي تبيه
باختصار في أشياء اكيد احنا ما نعرفها بعلاقتهم و لازم ما نحكم عالريال مني و الدرب انه عينه زايغة و خاين و زوجته الحمل الوديع المسكينة اللي شحلاتها كل شي تسويله بس اهو ما ايي بعينه
و بعدين نفرض ان الريال فكّر انه يحب غيرها بس بعد اعادة التفكير هوّن عن الفكرة و انتي رحتي و قلتيلها و خلقتي لهم ازمة يمكن ما كانت راح تصير
لو اهو متزوج عليها اقولج أوكيه قوليلها, بس ان اهو بصاص و مغازلجي عادي مو دليل ملموس و محسوس على ان لازم تتخذ اجرائات انهاء العلاقة و بداية الحرب العالمية الثالثة
صبعا اذا كان الأخ مغازلج انتي أو احد صديقاتها فأنا انصحك بالابتعاد و تكتمين عالموضوع لأن لو قلتيلها ترى ريلج يطالعني و يحاول يغازلني فالمرأة لن ترى انك انقذتي حياتها, بالعكس بتفكر و تقول شنو بوايت ونجز أحسن مني عشان ريلي يطالعها؟
و ليش اهي و مو أنا؟
و سواء استمرت معاه أم لم تستمر فانها ستكرهك و تقطع علاقتها فيج , لأنك حسستيها بنقصها مقابل أفظليتج عليها
و لا تقوليلي أوبن ماينديد و بطيخ ترى بالنهاية احنا اوادم
ثالثا
لو صج اهو زهقان منها و قاعد يغازل اللي اكو و اللي ماكو فثقي بالله انها راح تطيح عليه بروحها و تتخذ الاجراآت المناسبة بدون لا تكونين طرف بالسالفة
هذي نصيحتي و كيفج عاد انتي
:)
brava
very wise, but he is hers no more:(
you are right, maybe hints would do
sponty
i know, secrecy kills me, I keep thinking she has the right to make a decision, not knowing is kind of forcing her to accept, no? yes? walla madri :)
مطقوق
والله أنا عن نفسي معترفة، محد فاهمكم ولا فاهم منطقكم
:)
ونصيحتك عقلانية بشكل تقليدي، المهم ما نهدم البيت، والمهم ما أتورط، والغيرة النسائية وغيرها، ما أقدر أنكر المنطق خلف النصيحة، بس يمكن الزمن تغير الحين ويتطلب وقفة أقوى للمرأة حتى يتوقف الرجال عن استغلال نقطة الضعف الدائمة (ما نخرب البيت) والثقل والحماية الاجتماعية الي محصلهم الرجل، وساعاتها ما تصير "خيانة" الرجل لزوجته (ما أدري تعتبرها خيانة والا لأ) مبررة، مقبولة متستر عليها، بل وأحياناً مرغوبة
وشكراً صديقي، أشعر انك أخذت من وقتك لاسداء نصيحة أشعر فيها صادقة، والى الآن أنا على هديك، والله يهدي
:)
Post a Comment