لوحة للفنانة سكينة الكوتالى متى التعسف ضد المدونين؟
هل نسكت بعد الغاء برنامج د.شفيق الغبرا؟
لابد من رد فعل، أفكاركم؟
Subscribe to:
Post Comments (Atom)
About Me
- White Wings
- lost and searching for the light
مجموعة صوت الكويت
Fellow Bloggers
- alia
- Alien
- Authoress
- ayya
- bo jaij
- bo sale7
- bunaz
- da vinci
- dilli o milli
- eshda3wa
- hanan
- hilal
- iDep
- kasik and luloo
- kha6er
- kilama6goog
- mamloo7a
- mantovani
- Mishari
- newme
- papi
- pepsi-guy
- shurouq
- sologa bologa
- sponty
- ummel3yal
- valencialover
- walladah
- wonders
- zaradacht
- العلمانيون
- امرأة مؤجلة
- بالديسار
- بو مريوم
- ساحة الصفاة
- طائر بلا أجنحة
- عين الصقر
- مبدعون كويتيون
41 comments:
ان كانت الحلقة لا تتحدث عن الاوضاع السياسية مثل ماتفضلو الاخوه الحاضرين من المدونين
وتتحدث عن فكرة نشأة المدونات فلا اعتقد ان المنع بسبب هذه الحلقه
بل المنع كان جاهزا ربما قبل تلك الحلقات وصدفت معهم
هاو
يا حافظ ألغوه؟
ترى انا ما أدري عن الدنيا
Miss you :-)
oh and the painting is abolutely amazing. Kisses to the artist
آن الوقت ..!! أن يفهم أي مسؤل في الكويت أن المنع ليس هو الحل والعلاج للمشاكل ..!! ولكن الحل يكمن في مواجهة المشكله ومعرفة أسبابها ..!! هذا أن كان هناك مشكله أصلاً في المدونات..!! ولابد أن لايهاب ويتخوف من حريه الفكر و الرأي ..!!بل على العكس يجب أن يهاب ويتخوف من كبت الفكر والرأي..!!؟
اي
آنا كنت توني قاعدة من النوم وشكلي يخوف
معذورين
krakatoa
كلامك منطقي جداً، والله أنا توقعت اشكالية على البرنامج بس ما تصل لحد المنع، بس ترى طالت وشمخت
:)
اشرايك؟ شنسوي؟؟
papi
غبرة، اي ما دريتي
:)
miss you more, so now what are we to do?
kisses will be delivered
2 u all
تنفخ في قربة مقطوعة، اشرايك، اشلون نسدها؟
نبي نسوي شي
shurouq
كان ممكن يغطونج بدائرة سودة، هذي الي يستخدمونها في برنامج دكتورة فوزية دريع، مو الا يلغون البرنامج كله
:)
ما يحتاج أقول، شكلج كيوت أكثر لأنج قاعدة من النوم
المهم الحين شنسوي؟؟
كلكم
محد عطانا أي فكرة، نبي نسوي شي
لو عرف السبب لبطل العجب
ولنكن صريحين
قد تكون المدونات منفذ جيد وصحى للتنفيس عن ما يجول بخواطرنا من امور سياسية واجتماعية وجميع النواحى الاخري
وحتى ان هناك بعض المدونات تنشر افكار سامة
ولكن لا اعتقد ان الجهات المعنية تدير لها ذلك الاهتمام الا عن طريق كاتب مقال واحد
وهو عبداللطيف الدعيج لانها تعتبر المصدر له لاستقاء الاخبار
فالتريث والتروى الى ان يعرف السبب افضل بنظرى
مشاري
ممكن يكون هناك سبب معقول للمنع؟
أعتقد أن الحميدي وضح "السبب" في رده على الدعيج اليوم في القبس، اشرايك بما قال؟
من الى يخوف؟
انت وامثالك تضحكون. البرنامج ناقش قضايا مثل البدون\الشيعة في الكويت والخليج\ولم يوقف الحين تهقى انه الحكومة خايفة من زيدون الى طق عمره 50 واسلوبه مثل مراهق بالاثنينه وعشرين ولا شروق وافلامها واعترافات ولدالعمر الفرويدية لها؟
ياخوي انتوو حشرات بف بف يقتلكم لاتعطون نفسكم اهمية, لاتستحقونها ولااقول عطو انفسكم كل الاهتمام والزيف, غطو كل عقد النقص عندكم باكاذيب, بغطاء سايبيري عسى ان يبرد الحقد,الغل,النقص, عاهات الروح عندكم
وعسى فشة الخلئ في النت تحمينا من عقدكم خارج النت
anon
والله هذا قصدي أيها السيد/السيدة، احنا ما نخوف أبداً فليش المنع؟؟
وشكراً كلماتك عساها تكون فشت غلك وطلعت كل ما بخاطرك في النت بدل ما تطلع علينا بره النت
:)
اضحك، أتغشمر معاك
لالالا ... انمنع !!؟؟ ويقولون بلد ديمقراطي ويتمتع بحرية الراي !!ء
ديرة بطيخ !! وأمبااااع !!ء
;)
الحل عندي وأنا بو هندي مالكوم ألا القنوات الفضائيه الخاصه
;)
لوحه رائعه تعكس واقعنااا المُقيد
تحياتي الخالصه لفنانتنا المتميزه الفاضله سكينه الكوت
حبوبه ... الضرب هاليومين صاير تحت الحزام !! علامهم !!؟؟
قلنالج سدي الباب ... قلتيلي حرية الراي .. ابذمتج هذيل وينهم وين حرية الراي .. حريه الراي تطبق بمعناها الصحيح هناك بالدول المتحضره
مشتاااقيين
:*
shurouq
عزيزتي ... اعتقد خافوا من لسانج مو شكلج !!ء
:)
Oh my god anon
و الله علبالي بس انا الي افكر جذيه
اطلعو في غيري ناس شايفين و ساكتين
اعجبتني صراحتك
انون 2
اخاف باجر أقوم من النوم ولا أنا متكلبتش (يعني حاطين بيدي
( handcuff
والله الديرة صايرة كلها منع وحجب وضوابط وشغل عصابات .. ماندري باجر شنو ابيمنعون او بيصكون .. وين الدستور بفهم ؟ حاسين فيه ؟
الديرة صايرة ماصخه بعيوني .. وقمت أتوقع كلشي يصير .. مو عشان شي بس لأني انصدمت بالواقع .. من وأنا صغير اسمع عن دستور وحرية فكر وتعبير وحرية إعتقاد وان عندنا مجلس الشعب فيه اهو اللي يشق ويخيط للدولة ويحط قوانين ومن خلاله يقدر يطالب بحقوقه .. بس أول ماكبرت واستوعبت وقمت أحس بالواقع عرفت شالسالفه .. عرفت أن كلشي سمعته فيلم هندي ومسلسل من مسلسلات فجر السعيد .. وأن احنا عايشين بخدعه كبيرة .. خدعه اسمها دستور .. عرفت أن الشعب منافق ونسى حقوقه ونسى المجلس والدستور عبر الممثلين (يعني نواب ) الدايخين الطالبانيين اللي يختارهم .. نواب ماهمهم الدستور والحريات اللي موجوده فيه .. نواب همهم واسطاتهم لأهلهم وربعهم وشغلهم وبوق بفلوس الديرة وحسن الخاتمة عبر أسلمة القوانين وتحويل الكويت الى مدينة الأشباح والظلام ..
وأنا بفهم شغله .. وين نوابنا الليبرالين ما يتكلمون عن الموضوع ؟ شي غريب والله .. أصلن وين النواب الليبرالين بالمجلس ؟؟ .. بوقت الإنتخابات كنت فلم هندي صراحة .. قاعد بخيمة الإنتخابات اللي حطوها الشباب بساحة الإرادة .. وحاط ايدي على قلبي وكل ما أسمع أن عضو ليبرالي طاح بدائرة اتضايق واتصير فيني حالة نفسية (طبعا بيني وبين نفسي) واحس اني ببجي وبدمع .. بس ألحين اسأل نفسي .. شالفرق بين الليبرالي بالمجلس والإسلامي ؟ وليش كنت أتضايق ؟ وعلى منو ؟ مالهم حس الليبرالين وصاروا إسلاميين أكثر من الإسلاميين .. الصراحة مايستحون وهالكلمة قليلة بحقهم .. الحريات بالكويت قاعده تنتهك الى اقصى درجة وأهم مايدرون وين الله قاطهم .. واحد صايرلي عبدالباري عطوان بالمجلس العربي والباجي يدعمون أطوف ..
والله الكويت مسكينة ومخدوعه بهالشعب الغبي .. كل مالنا وانصير اغبى من قبل .. دستورنا كاسر خاطري والله
ليش زعلانين يبا ؟
لا تتضايقون .. الوضع كله معفوس يت على مقابلة وحجب المدونات ..
لو صج احنا رياييل ( كل الشعب الذكوري الكويتي الفاهم ) ولو صج فيه بنات خايفين على عالديرة ومدنيتها وحرياتها جان من أول كلمة حجب او منع او تقييد سمعناها طلعنا مظاهرة .. وعفسنالهم الدنيا .. نعفسها بالقانون .. مو عندنا دستور يكفل الحريات اللي طالعين اندافع عنها ؟ خلاص ياكلون تبن ويسكتون ويخلونا نتكلم وانطالب .. ويرضون باللي نبيه غصبا عليهم مو بطيبهم .. اذا ماعندنا نواب أوادم فأحنا أوادم ونقدر انمشي الديرة صح
بس وين للأسف ؟
أنا أقول كل واحد فيكم يفكر من ألحين شنو بيشتري حق ريوق يوم السبت بالدوام .. ويفكر من الحين وين بيسافر بالصيف
دستورنا وطلعتله لحية .. شناطرين بعد؟
ما أتابع تلفزيون ولا أدري شنو قاعد يصير
بس ليش محد دعاني
:p
لو كان المنع بهالطريقة و لهالسبب فأكيد
اللي سوى هالشي إنسان جاهل و ما عنده
بعد نظر
خاصة و انها حسب ما قريت عند بو سلمى
كانت عن التدوين بشكل عام
:
الصورة تحفة .. رائعة جدا
و فكرتها واصلة و بقوة
شكرا .. و صباحكم ورد
و يا رب انتي و الأسرة الكريمة بكل خير
تردين و تلاقين الهدايا و قبلها القلوب بإنتظارج
و للجميع نفس الأماني
:)
سلام
السبب مثل ما قلتة عند مطقوق
هذى حوبتنا انا و الالين الصغير ليش محد عزمنا
anon
تو الناس على الخمسين الله يهداك.. وماحد خايف من أحد والا ما كشفنا راسنا ,وأفضل لنا نتستر بهوية مجهولة مثلك
يا ريتني مراهق
السلام
تردين من وين؟ كله مسافرة؟
بالنسبة للشباب الانونمس
أقولكم الحلقة ما كان فيها اي شي لا كلام عن سياسة و لا بطيخ و هذا اللي احنا مستغربين منه , الحلقة كانت عن التدوين و ليش الواحد يفتح مدونة و شلون بديتوا و شنو انواع المدونات و الفرق بين المدونة و المنتدى
فما له داعي حشرات و عناكب و فرويد و حقد و غل
صراحة ضايقتني بكلامك و احنا بهالمرحلة محتاجين احد يواسينا و يطبطب علينا مو يقعد يسبنا و يقول عنا معقدين
الله يهداك بس
White Wings & kila ma6goog
الناس - الحقيقية وين - وانتو وين, مسوين معركة على برنامج تلفزيوني لاطلع ولانزل. حنة, رنة, ازعاج, واخرتها برنامج سخيف وموضوع
اسخف.
ياليت 1% من حملاتكم,معارككم الوهمية تجير لصالح الحقيقة: الحقيقة ان بارونات الاراضي يقتلون العائلة الكويتية,, هذي معركة تسوى. الحقيقة المرة نظام صحي متهالك وتربوي سيئ, هذي معركة تسوى, الحقيقة ان الناس تموت في بيوتهم لان مركز مكي جمعي مافيه اسرة كفايه, وايك الربعي جازاه الله بما يستحق ويقولك المستوى ممتاز هني,, اكيد ممتاز! انت تعامل معاملة 7 نجوم ماتنعطى كورس الكيمياوي القوي ويرجعونك البيت, انت ذلفوك بوسطن وبارقى مكان بالعالم فانطم وموت بهدوء.
هذه معركة تسوى عويلكم, او نباحكم, ما فهم من كلامكم الا اقنعة وزيف وامراض نفسية. الواقع ان المناقز, وحملات الزار المختلطة بنبيها خمسة عيشتكم جم فوق مستواكم, لكن بالنتيجة ماتغير شي.
فوق هذه ايني مطقوق ويقولي يبيني اطبطب عليه لانه ماحطوه بالتلفزيون ومنعوه من التشيحط جدام مرته,, ياليتي بغبائكم, او انفصامك عن الحقيقة
غثني غبائكم
زيدون مواضيعك تعكس عقلية مراهق ماتجاوز 18. فهنياً لك المراهقة التي تنشد.
if you have a copy , you can download it to youtube!!
anon:
lol ..
في انحطاط وتخلف اكثر .. ودي اضحك من زمان ماضحكت.
لو فيك ذرة رجولة واحترام ماتكلمت بأهل احد بحرف .. لك واضح انك واطي.
شي ثاني .. ليش خايف .. اكتب بإسمك !
dilli
اي والله غاليتي، تفلعت روسنا من الكلام العسل، عساهم على القوة
خليهم ينفسون، مش أحسن ما يطلع علينا بره
وصدقت، مالنا الا القنوات الفضائية
Anon 2
الصراحة ممتازة، بس الاسلوب شوي لك عليه، حشرات وبف باف وبواليع، يعني اسلوب بوريحة
Kuwaitvoice
لا لا يا خوي، لا تفقد الأمل بهالصورة، ولا ترمي طوبة الشعب جذي
الكويتيين كلهم خير، احنا نمر بمرحلة مظلمة، لكن، لابد لليل أن ينجلي
دستورنا هو حمايتنا، لا تدع للغضب مجال على نفسك، ولا تفقد الأمل أبداً في ديرتك وشعبها، الله يحفظ لنا الكويت ويردها منورة قريباً، قول ان شاء الله
طائر بلا وطن
هلا صديقي العزيز، ما أجمل كلماتك، رطبت الجو المشحون هنا
كل عيد أم وأنت بخير، ومسائك سعادة وهنا
بومريوم
حوبتكم قوية، حوبة خيشية من قلب
:)
زيدون
يا حلو المراهقة، الواحد ساعات يحتاج يرجع مراهق
عداك لخوف يا فارس المدونين
:)
مطقوق
يبا لا تضيق خلقك، شتيمة تفوت ولا حد يموت
وأنا شايفة ان "حشرات بف بف" و"غطاء سايبيري" كلام حيل دمه خفيف ويدل على قدرة أدبية وتصوير بلاغي تمام التمام
لو أدري بتتضايق كان ما علمتك بالي صاير، ناديتك تستانس يا خوي مو تتضايق
يلا عاد اضحك، ترى السوالف تضحك هني
انون 1 على ما أعتقد؟
لغتك ما أتكلم بها، ويا سيدي اذا احنا أغبياء ليش تزورنا؟
الله يطول عمر الربعي ويريح قلبك من أحقادك...دعوة صادقة والله
Brava
Don't have a copy yet, but when I do, I will certainly download it
Thanks dear
as u like
عجبتني "بارونات الأراضي" ووالله الكلام كله يضحك الى أن دعى على الدكتور الربعي، يعني حتى ألد أعدائي ما أدعي عليه بالموت بهالشكل المريض
وبعدين خله، ما نبي نعرف اسمه
اذا بليتم فاستتروا
:)
هونها
يا أخي العزيز يا انونمس
كل واحد و له اهتماماته اللي يكتب فيها و انت مهتم بالرعاية الصحية و التعليم اكتب فيه , محد مانعك انك تكتب
و بالنسبة حق قومنا الدنيا و مسوين زيطة بالله ما تقولي وين قومنا الدنيا؟ البلوج مساحة شخصية يكتب فيها الانسان الامور اللي تهمه و اربعة او خمسة اكتبوا عن السالفة لا قامت الدنيا و لا اقعدت
سواء كنا تافهين او يهال او مراهقين او بتشيحط جدام مرتي ف شلي مزعلك؟
ليش معصب و تسبسب و تدعي على اللي له شغل و الي ماله شغل؟ على فكرة انا مو معصب من كلامك بس والله لو انا منك اشوف طبيب يفهمني ليش أعصب و أحقد و أسب و أتشنج على أشياء مو مهمة؟
يعني انا زعلان على الحلقة لأن كنت بطلع فيها و بتشيحط جدام مرتي على قولتك فلي حق أزعل, انت ليش معصب و زعلان؟
و اذا زعلان و زهقان شحقه تسب؟ و ليش تدعي على الربعي؟ عشان الدولة مسفرته؟ انت اذا مريض خل الدولة تسفرك
اللي بوصله انك وايد معصب و ردة فعلك كبيرة على السالفة, لازم تهدي اعصابك الدنيا ما تسوى كل هالعصبية
وايت ونجز
انا مو زعلان والله عندي مصايب ثانية شاغلة بالي هذا شي بسيط بس خايف على اعصاب الريال وايد متشنج و متوتر على سالفة بسيطة
مطقوق
الربعي بنفس غبائك. ذلفوه يتعالج بره ويرد الكويت يقول النظام الصحي زين. ليش مخذا الرسك ودخل المستشفيات الكويتية وبعدها نشوف رايه, فهمت قصدي؟
ولاتسطح الامور بغبائك ودور الى فاهم كل شي ومئطع السمكة وذيلها دور مو راكب عليك ولايصلحلك لان بف بف يدمرك
آخر رد
أأأأأففففف ... ريحة البالوعه اللي فوقي ^^^^^ مووو معقوله !! يا تسلكونهاااا يااا تسكروونهاااا
عشتِ لنا مشعلٌ للحق يا
white wings
:)
Intense painting. Are those tears?
لنعرف السبب عن الحلقة او البرنامج
بس مهما كان، وقف البرنامج مرة وحدة ومن غير سبب مقنع، يوضح لنا مجهول مرعب.الموضوع غريب.
ظلام اهو او مظلم؟
تلفزيون الدولة
بس ما هي الدولة؟
ودولة من؟
بييييه يا انون
والله الدنيا ذابحتك
يا اخي/اختي يحق لك الشكوى، ان كنت متضرر
ويلزمنا العدل بان نشاركك لحل الضرر
بس ليش التهجم والتجريح؟
من تفيد بكلامك بهالطريقة؟
مطقوق
سلامتك من المصايب، الله يبعدك دوم عنها ويبعدها عنك
في شيئ مو طبيعي في ردود أنون، حقد دفين صعب التعامل معه، الله يرحم حاله
بو حمود
صح لسانك والمكان مكانك
حياك الله وشكراً على تلطيف الجو
:)
أنون 2
المعلق بتاع البف بف يقول خلص كل ما عنده
عساه يلاقي جماعة على طبعه يتسامر معاهم ويتركنا لشأننا
wonders
أعرف ناس سريعة الغضب وفالتة اللسان، بس مثل الأخ أنون ما "سمعت" من قبل، سوالنا "طاخ طيخ" وأكثره على مطقوق اللطيف، والسبب أنا، رحت ناديته من مدونته وتسببت له بهالمضايقة
المهم، أعتقد يجب أن نفعل شيئاً ما، يعني نعلي صوت اعتراضنا على المنع، عندك أفكار؟
White Wings
ميت أهلين
انشروا اللي دار بالحلقة
بغض النظر عن سبب المنع
..
Anonymous
اكل تبن وتكلم عدل
الشبكة الليبرالية تالي حجب مدونة نوافكو تالي منع حلقة المدونيين وتعليق البرنامج باكمله ..
حرب الهمج مستمره بكل أسف .. وتتغلغل ببطئ من خلال خفافيش الظلام .. لو سكتنا أعتقد بنصير أسوأ من السعودية وسوريا
لوحة رائعة عزيزتي
تقبلي تحياتي
السلام
الأخت وايت لا تشعرين بالذنب فأنا متعمد تكرار محاولة الحوار مع اخوي الانونمس ليس استمتاعا بمستوى ألفاظه لكن لي هدف
الهدف هو أن يهتم كل أب و أم بأبنائهم و يحاولون التقرب منهم و تربيتهم تربية سليمة لأن نتائج التفكك الأسري و ترك الام تربية الأبناء واضحة جدا في مثال الأخ الانونمس
واضح ان الأخ يعاني من مشاكل و اضطرابات نفسية متراكمة و لضعفه الشديد و قلة حيلته فقط لجأ للانترنت كي يخلق لنفسه صورة الرجل القوي اللي يمشي و يسب و احنا الكتاكيت ما نقدر نرد عليه و نجعمه
أخوي انونمس , انا معتبرك مثل أخوي الصغير و حاولت أرفع من شأنك بحوار محترم لكنك أصريت على البقاء و التمرغ في درام الزبالة اللي نشأت فيه
لذلك فسأذلف و أترفع عنك و عن زبالتك
و آسف للأخوة على الاسلوب القاسي لكن للضرورة أحكام
ياه كلشي ولا مطقوق اللطيف
ما يدرون ان له جيش يدافع عنه
افكار؟ والله وايد، بس افكاري داهية
جييكي مع ديللي ودوانيتها ام اعروق
white wings,
مالنا إلا تكثيف الكتابة في هالموضوع في الصحافة وفي المدونات , وما الضرر بعمل ندوة عن حرية الكلمة, والرقابة وما شابه من مواضيع؟
مري علينا . أخبار جديدة عن العرض القادم.
you-sif
هلا والله، نورت
ونبي نحصل نسخة من الحلقة حتى نحطها على النت
والله تزف تمام
:)
haifa
هلا بصديقتي العزيزة
الوضع محزن ولكنه قطعاً قابل للتغيير
والتغيير يصير لما احنا نقرر، ها، نقرر؟
:)
زيارتك تبهجني دائماً عزيزتي
مطقوق
اعرف عنك طولة بالك وتبادلك للحوار حتى مع أكثر العقول انغلاقاً
بس في حالات لا ينفع معها سوى التجاهل
قواك الله
wonders
هالأيام ديللي ما تعطي ويه
:)
باجر بشوفها وأحاول أشوف أخبار ديوانيتها الي عروقها بالماي
:)
bunaz
on my way
الحبيب ووندر مي
الحق يدافع عن نفسه و الباطل يدين نفسه
و واضح من الحوار ان الأخ انونمس دش باسلوب مشين لنفسه أولا و للبقية ثانيا
لمن تدش دوانية و من عند الباب تقولهم العن ابوكم كلكم فمن الطبيعي انك أول ما تقعد تلقى عشرين واحد طايحين فيك سب
و هذا اللي صار
اهو أدان نفسه بنفسه
than annony is one little ticker, try not to push your belief honey, sharing a thought is one thing, forcing them on others is something else, specially when you use such low lang :)
it was so much fun getting today =} such a great way to start one's day..
can't wait for next time =} lots of hugs and estebzaz =}
sponty
you inspired next post
love you much
واحد زوجته تدش عليه المسنجر بنكات غريبة عشان تعرف يغازل ولا لا من ورا ظهرها. هذا اعترافه هو بمدونته. الحين يتكلملي عن الاسلوب والتربية.
اي اسلوب واى تربية الى تربيتها انت وزوجتك وشنو العلاقة بينكم الى تخليها بسخافة الشك بالمسنجر وتخليك متوقع الشي هذه منها؟
جذب مره ثانية على نفسك وعيش روحك دور الادمي يامطقوق
Post a Comment