تحديث
تطورات هامة جداً
الناطق الرسمي لمجلس الأمة الكويتي يعبر عن مجريات العمل
تابعوه على مدونة لتل ايلين
لا يطوفكم
----------------------------------------------------------------------------------
ديللي...أيتها السوشية
اليك الخبر التالي
السمك النيء يسبب سرطان الكبد
هونغ كونغ - رويترز - طالب باحثون تايلنديون الناس في جنوب شرق آسيا بالكف عن تناول اسماك المياه العذبة النيئة لانهم يخاطرون بالاصابة بديدان طفيلية قد تعرضهم للاصابة بسرطان الكبد.وهذه الديدان الطفيلية العريضة والتي تعرف باسم 'المثقبة' تبلى بها الانهار في المناطق الريفية في تايلند وفيتنام ولاوس وكمبوديا وكوريا والصين، وتجد هذه الديدان طريقها الى اسماك المياه العذبة ومنها الى الانسان عندما يجري تناول الاسماك نيئة.وكتب الباحثون في العدد الاخير من دورية 'المكتبة العامة للعلوم الطبية' قائلين ان معظم الناس المصابين بديدان 'المثقبة' لم تظهر عليهم اعراض لكن البعض اصيب بسرطان الكبد بعد ذلك بسنوات
------------------------------------------------------------------------------------
ندوة التحالف الوطني
استعرض محمد الصقر "انجازاته" وغادر سريعاً لارتباطات مسبقة، لم يذكر قانون العمل بكلمة، ولم يقدم أي اعتذار للحضور
علي الراشد استعرض أعمال المجلس عامة وكرر اعتذاره وجاوب كل الأسئلة بصبر وطولة بال ورد على الانتقادات القاسية بتقدير من يعي عظمة الخطأ
قلبي رق ولم يعد غاضباً على الراشد بشدة، ولكن غضبي مستعر على الصقر، هذا غير اني أخاف منه
----------------------------------------------------------------------------------
افلاس تام
حاجة ملحة للسفر
فهموها انتوا بأه
37 comments:
i don't like to see you suffering my dear, transfer all the money you get and i'll take the suffering away from you.
أنا بعد عندي حاجة ملحة للسفر
والله؟ محمد الصقر يخوف؟
الى اليوم أنا لا أعرف ماذا تريدون من قانون العمل بالقطاع الأهلي و لستم قادرين على إقناع أحد
valencia
حاجتي أشد، أشكل خطر على نفسي ومن حولي
:)
wonders
اي والله يخوف، أنا شخصياً أخاف أكلمه، يزف بقوة
:)
أوحشتنا يا رجل، أين أنت؟؟
حلم جميل
وعليكم السلام
اشدعوة على طول زف؟؟ طول بالك شوي
:)
اذا لم تقتنع مجموعة من الناس هل هذا يصادر حق المقتنعين بالكلام؟؟
يكون بينا حوار ان شاء الله لما تزورني مرة ثانية
:)
But I love sushi :"(
Allah ehadach bas, afraid from Al-Sager!!!!!
Remember barking dogs never bite ;)
محمد الصقر ما احترمه ولا راح احترمه
لان شخص برجوازى قح
على الراشد من زمان الرجل موقفه نظيف
السوشى خففته وعريت على بدر البدور
وبعدين الحين فى ريجيم تام لانى ابي اسوى تغيير جذرى
بارجع العب حديد :P
وبعدين مو الا يا ستى طيارة وسفر
دقو السيارة سلف الفجر وروحوا البحرين حجزوا بمنتجع بسعر بسيط يومين او 3 وغيرى جو وتعالى
والا تبون تسكنون بيوت بلاش؟؟
انا شريت بيتى والحين الحمدالله ضبطت الامور علشان السفرة تصير محترمة بس قعدوني هالسنة لاسباب عائلية تبط الجبد شكلى بهدهم وبسافر بروحى :))
ana wallah gaylah il sushi maraddah biy6la3 feh shy:)
mako shy ilmafrooth innah yin6b'7 wi yinwikil ny wi ma yseer min warah tharar,
il7amdolilah ma a7ib il sushi wala awa6nah:)
shosho
he is scary, he has a gaze that makes me pee my pants :)
and sushi is no good darling; it is created by the poor to kill the rich; don't fall for it :)
مشاري
يعني شقول؟؟ البحرين نفس الكويت، ما عندي شعور اني مسافرة، أقعد هني وأحجز في واحد من منتجعاتنا الماصخة أوفر..الله خير الحين الطبطبائي يبي يحط للمنتجعات ضوابط بعد
ومافي مانع، نسكن ببلاش، شنو المشكلة؟
:)
واقعد عابل الأسباب العائلية ولا تسافر بروحك وتحرق قلب البقية
وعلى العموم أنا موجودة، ممكن نتخانق انترنتياً ونفش غلنا
سالفة عجيبة
على قولتج، سمك ني أكيد ما وراه خير، اهو مطبوخ ويقعد على الجبد اسبوع، ني بعد؟؟
:)
شلون سوالفج العجيبة؟؟
:)
ششششفتي عشان تعرفييين أن صويحبتج حكيمة ... تدرين أن واحد من أصدقاء ولدي من أسبوعين ياي من هونغ كونغ ماكل سوشي ... وألحين يعاني من ألتهاب الكبد الوبائي فئة "أ" وبالأنجليزي
Hepatitis A
اللي ينتقل عبر أكل ملوث !! أنا ما أدري شلون الأوادم يجازفون ياكلون سمك نيئ !!؟؟؟
ذكرتيني بحرب السوشي .. الله يا ذيك الحرب الضروس ضد السوشي .. وينج يا "نيله" !!؟؟
هههههه ... تخافين من الصقر !؟ مفروض أنتي اللي تزفينه بقوة على فعلته بقانون سيئ الذكر
فهمناااااهاااا
يالله زهبي جنطتج ... راح آخذج معاي ال
الشاليه !! هههههههه
:*
مسا الخير
يا بيضاء الأجنحة
للأمانة الصقر لما بشوفوعالتي في بيخوف
على العموم اذا ما مرضنا من السوشي رح نمرض بغيروا فا لاتحاولي اتغيري رأيي فيه أبدا
ان شاء الله تتوفقي بسفره حلوة هالصيفية
لازم نشوفلج منصب انا وبومريوم بما انج ضد السوشي
وعلى فكره
هم انا ماعندي فلوس .. ماتاخذيني الشاليه؟
الصقر مرفوع عنه القلم لا اخلاق ولا احترام وشايف نفسه على الناس...
السفرة لا تحاتينها بس لا يكون عددكم وايد لان الحطة ما راح تكفي :)
ولا تخافين ولا تبللين اشيائج :) اذا خوفج ذكري توم وجيري وانت ترتاحين
على فكرة ...الصيف بالكويت ممتع انا مو فاهم الحقيقة ليش الناس تسافر !!
من صجكم ليلحينكم اتروحون ندوات ربعنا ؟ :)
ما مليتوا وانتوا اتقصون على نفسكم ؟
يالله ماعليه ..
اشوه انا ما احب السوشي ... حاس انه فيه شي غلط من اول :)
و ترى يمدحون السياحه الداخليه :)
dilli
اي والله يا ليليتي، وين أيام حرب نيلة السوشية الضروس
:)
انت شفتي بقاقات محمد الصقر، يختي أخاف منه، اذا زأر بعد ما أقدر أقول شي
الشاليه؟؟ تدرين شلون قبلت :) ها شبتسوين الحين؟ توهقتي فيني
:)
لوحات
أهلا بك يا جميلة
ضعنا من بعدك يا لبنان، ما في سفر هالصيفية
ومرض السوشي قوي، قرأتي تعليق ديللي؟
:)
الله يحفظك وتتمتعين بالسوشي على كيفك
تعتقدين محمد الصقر يحب السوشي؟
ايلين
أبي أمانة الصندوق...العب يا ولد
:)
صورتك ما تتطوف، غاية في الاغراء بالمايوه، اسمحلي أحطها في البوست
بوصالح
شنسوي؟ لا أنشطة فنية ولا ثقافية ولا وناسة، وحتى الجزر والمنتجعات يبون يفصلونها ويأسلمونها
يعني هالكيف نستانس؟؟
:)
والعدد مو وايد، خمسة، واذا ما عندك مانع، اثنين أو ثلاثة من الصديقات، أكون شاكرة لك، واذا ممكن صديقة بنتي وصديق ولدي عشان يتونسون الأولاد، واذا مافي مانع بنت خالتي لأني أفتقدها وايد، وأخيراً ناخذ بابيونة لأني أوله عليها وايد من تركت التدوين
بس...مابي أكلف عليك
kuwaitvoice
لا يأس مع الحياة
:)
يا متشائم
ابو اسحق
صدقت، من اسمه فيه شي غلط
:)
وعندنا سياحة داخلية؟؟ ابعث لي البروشور
الصقر عنده دكتوراه في شلون يخلي الناس يكرهونه
لوول
اقول
دامج ما تقدرين تخلين كل هالناس ولازم تاخذينهم معاج ...الافضل انج تقعدين بالديرة بهالبراد وتظلين وياهم
شلج بالسفر والمحاتاة .... الكويت افضل ...حملة يديدة :)
المفضل الوطني - بوصالح
آه ايها السوشى ماذا فعلت بنا
حاطة لنك حق اللين؟
مدونتة مشبوهة ترى
مطقوق
يعني مو كره، خوف أكثر
:)
ما شفتك في الندوة
بوصالح
يا مفضل يا بخيل
انت قاعد بالكويت والا مسافر؟؟؟
خلاص، اذا تبيني أتنازل عن صحبة الجماعة، سفرني جولة في أوروبا وفلوس التسوق طبعا عليك...أنا متعاونة وما أعقد الأمور
بومريوم
وتوك تعلمني؟؟ تو ليت، انشبهت أنا الحين معاه
المهم غيرت رأيك؟؟
غيرت راى عن شنو؟
بعدين لازم تحطين أعلان تبرئة ذمة عن لنك ليتل اللين
قاعد يمج على نفس السطرة
بس كنت مقتر فيمكن ما عرفتيني
انا اقول اخذى عبارة وروحى فيلجا وقزريها نوم لى الضحي وسوى عقد مع المتن
كل يوم سينما ونفيش ومطاعم فاست فود وريحى بالج
عندي حاجة ملحة للسفر إلي لبنان بالذات
ديبيش مود عندهم 60 % .. أشق هدومي يعني؟؟؟
أما بالنسبة للصقر والراشد
فآنا زعلانة وبشدة
ومو ناوية أرضى قريب
ودي اروح لبنان
حتى لو استشهد
بس اسمي سافرت
صباح الورد
اشوه ان ما احب السوشى
كله استغرب من الى ياكلون ني
اقولهم ما اييكم دود فى بطونكم
يقولولى الزنجبيل يطهر ويعقم المعده
عرفتى الى يم الرول يحطونا سلايسس شرايح
!
أشوا إن ما أحب السوشي
ده عامل فيني عمايل
مع إني أحب الزفرة بس السوشي
مستحييييل
ندوة التحالف
أقولها وبكل صراحة
لا جدييييد اطلاقا
الأسلوب واحد والآلية وحدة
والوجوه نفسها
والشي الغريب إن الصقر قال معلومة
مهمة لكن الصحف ما اهتمت فيها
لما قال
كنا بالأردن نصالح بين الفصائل
والاسبوع المقبل بنروح بيروت أيضا
للمصالحة
هذا كان أهم خبر لكن عدّا بدون انتباه من أحد
وعلي الراشد عدد القوانين في دور الانعقاد
مو مهم إن المجلس يقر 33 قانون
لكن الأهم نوعية هذي القوانين
لو إنهم يقرون قانون واحد بالفصل التشريعي كله
مو بس في دور الانعقاد
لكن يكون قانون مهم
أحسن مليون مرة من مليون قانون
معظمها تعديلات على قوانين سابقة
والله المستعان
أنا أقول السفر ولا شيء غير السفر
وأهم شي البحر
مشتهي اطابش مثل البشة
والهم عن القلب أخشه
وطار بالهوى شاشي وانت متدراشي
ودمتم بحب وود
بومريوم
غيرت رايك عن الكتابة في البلوغ؟؟
واعلان تبرئة الحين متأخر، الي صار صار وانا انشبهت خلاص
:)
مطقوق
ما شفتك نهائياً
ليش ما سلمت؟؟ لا يكون خجول؟؟
مشاري
حرام عليك هالاقتراح
آخر مرة رحت فيها فيلكا على العبارة رجعت وغرقتهم، ما أعتقد يسمحون لي أركب العبارة مرة ثانية
:)
هذا بدل ما تعزمنا أنا والعائلة الكريمة على شاليهك؟؟ بخيل
عالية
اي والله بموت من الحرة، في فستان حاطة عيني عليه، اكيد موجود الحين عند عناصر فتح الاسلام
:)
والمسامح كريم،وهنيالك يا فاعل الخير والثواب
انت قلبج كبير
نجلا
الله يحفظج، لا يا معودة، لا تروحين وتستشهدين
أنا بروح في الشتا أسوي سكي، أجلي سفرتح الى وقتها وسوي سكي معانا ولا تستشهدين ولا شي، اصلاً زوجي راح يصعدنا أعلى قمة جبل وينزلنا فل سبيد :) هذه خوش موته
كاريزما
صباح السعادة والهنا
صدقت، ني وكان في البحر، مو خوش حالة
:)
قصدج السلايس الي بالصورة؟؟ لأن شكله مقزز
sologa
يا جدع
شمسوي فيك السوشي؟؟
:)
وتعليقك على الندوة صحيح جداً، أتذكر معلومة الصقر، لكني قريت عنها في الجرايد فما أثارت انتباهي وايد، وكنت مشغولة بالخوف منه
:)
والراشد تعديده للقوانين جاء ضده وليس في صالحه، لأن مجموعة من القوانين كانت سيئة، على قولتك المهم الكيف وليس الكم
وأنا كذلك أشاركك رغباتك التطبيشية
ولكنها الحالة الخيشية
ما نقدر حتى نسافر سفرة حلمنتيشية
ها، تقدر تقارعني الشعر؟؟
:)
بومريوم
نسينا منو كان يكفلك ليمن يصيدونك اكثر من مره بجليب الشيوخ؟
"money isn't everything": Ain't that the truth. And it's scary how some people don't know that.
Lots of love darling
فى قهوة؟تركية بليز من غير سكر
بما انى من الطبقة اللى بدت من الصفر ابشرج انا ضد انى اعزم احد على شى مو ملكى الخاص :) يعنى لو الشاليه حق مامي وبابي ما اقدر اعزمج عليه
تبين حياج انتى والعائلة الكريمة فى منزلى المتواضع القابع على بعد كيلو متر واحد من منزل صاحب السمو
ولكن حاليا لا اسكن فيه
:)
ايلين
صارت بين بومريوم وايلين
:)
بومريوم صحيح هالكلام؟؟
phoenix
well honey, all his talk about money isn't everything is the talk of the poor :)
and i already miss you
مشاري
القهوة انت تييبها معاك، مو هذا الاتفاق؟
وليش ما تعزمني؟ تمون على مامي وبابي، اشدعوة؟؟
على بعد كيلومتر واحد ومو ساكن فيه؟؟؟ هذه فزورة؟
فندق ساس؟؟
يا اما انك بياع حجي، أو انك شخص "تخرع" جداً
:)
عموما قبلت الدعوة، ابعث لي الليموزين
والله انا انسان ما اعرف بيع الحجي بس الصدف اوقعتنى :) بهالحظ
الرجل بينى وبينه شارع
بعدين انا مو من ربع مامي وبابي
انا من يمه ويباااااه مع انه متوفى رحمة الله عليه
ساس ؟؟؟؟ ليش الله يهديج؟
لكن المسألة كلها فرصة واستغليتها بذيج الفترة بس لا اكثر ولا اقل
والقهوة علي ميخالف بس خل نشوف اخرتها
تاكسى برتقالي ما ينفع؟
مشاري
الله يرحم الوالد ويحسن اليه
وآخرتها خير ان شاء الله، بيتك على البحر ومستخسر فيني كوب قهوة؟
:)
وتاكسي برتقالي ممتاز ;)لا تنسى تكون أرقامه خمسات
وعسى الصدف أوقعتك بحظ زين؟؟ لا قول موزين بعد؟؟
قاعدة أفكر في كمبنسكي، المنتجع الجديد، سامع عنه شي؟ ودي آخذ الأولاد يومين هناك
ممتاز كمبنسكى بس بفلوسه اذا تبين شاليه بجليعه تأجرينه اعتقد افضل لان شوي غالي وبمدة اطول تقريبا بس كمبنسكى عموما ممتاز
واهو مووووو على البحر على البحر اذا صعدتى السطح وكحيتى تشوفين البحر:))
وحاضر على القهوة بس علشان تعرفين شكثر انا حبوب:)
وما تقولون انا ضد احد
hello :)
مشاري
من نا حية حبوب، فحبوب، بس لو تغير رأيك في كم شيئ
:)
ومشكور والله على شرحك عن المنتجع، بصراحة مابي أكح، أبي أشوف البحر مباشرة :) أظن راح نحاول نأجر شاليه خاص اذن، فكرة ممتازة
مشكور مرة ثانية
the simper
hi :)
Post a Comment