Saturday, September 13, 2008

اختراق

لأ مو اختراق أمن الدولة
اختراق الحكومة
أو بالأحرى اتفاق الحكومة
مع حبايب القلب
هم وغيرهم من جماعة
نحن الحق والحق نحن
هذه النتيجة
صرنا ...محطة ترانزيت
وياخوفي نصير قريباً محطة توريد
-------------------------------------------
بمناسبة مصائبنا الحالية
ما رأيكم بمصائبنا المنقضية كما وردت في مذكرات الدكتور أحمد الخطيب
حلقة اليوم...خرعتني شوي

19 comments:

Bad-Ran said...

http://www.youtube.com/watch?v=QatwtQD1QEs

ZooZ "3grbgr" said...

تهقى لما يشيل القيد الامني
مقابل 50,000 دينار
اللي شالوا عنه القيد
وصار حر يدش الكويت
شنو بيستفيد؟؟
بيطلع مقابل حق الخمسين الف
ولا بيضاعفها
اللي يدفع هالمبلغ ويستثمره علشان شخص
اكيد هالشخص بييبله اضعافها

أمل الكويت said...

ولاء اهل الكويت لهالديرة خلص
اللي ولاءه للعراق واللي ولاءه لإيران
واللي واللي
اييييييه الله كريم
الله يحفظ هالديرة من كل شر يارب

The Lazy Bears said...

لأنهم عَرَبو

Anonymous said...

فساد رجال الداخلية ما تشيله الكونتنيرات

Mohammad Al-Yousifi said...

بوادر التطمطم بدأت تظهر

Anonymous said...

Not so discreet..

guevara said...

مو دفاعآ عن الضابط لكن خل نحط سؤال منطقي
منو ورا هالضابط ومنو الي الحين استغنى من خدماته؟؟
منو الي كان يستفيد من بلبله الجهاز وينفع بعض الضباط عشان هالضباط يحمدون ويسبحون باسمه؟؟
اكيد ورا هالضابط مسئول كبير ويمكن الاخ متصرف من نفسه مع اني استبعد هالشي؟
ثاني شي اذا على الاختراق احنا مخترقين من زماااان ودشنا الهوى من كل مكان
وثالث شي انتي قلتي انه البوست الي بعد انقطم المقطم راح يكون فرفوشي وسؤالي
ليش نكثتي بالوعد والعهد يا خائنه الوعد؟؟
ومنو الي خرق الاتفاق الي بيني وبينج؟؟
وجم المبلغ كان عشان تتركين نبي وتروحين لعبد النبي؟؟
وانا بعرف انتي تصومين ولا لا؟
وليش تصومين ؟؟ وشنو فطوركم من اول يوم لي اخر يوم ؟
وانتي الي تطبخين ولا المسكين او المسكينه الطباخه؟؟ وبعدها ترتزين على الطاوله وتقولين اليوم انا تعبت بالمطبخ؟ خو اتسوينها انا ادري
ومتى تعزميني على الفطور ؟؟ ولا اقولج ما احب الفطور انا ابي السحور وابيج اتسويلي هريس لحم مو دياي لاني اعتبره شغل اي حاجه ورجاءآ بدون دهن عداني لاني ما احب ريحته ويفضل السحور فيه سلطه وشغلات تفتح النفس مو على بالج بس هريس وبس
وشكرآ وانا ناطر عزيمتي

Fahad Al Askr said...

هذه بركات الإدارة بالبركة

Mok said...

وحياتك

اذا ماحاكموا فقط عن الرشاوي لا افهم شيء

وانت بذات لا تخترعين محد يقدر يسوي لج شيء يكفي البراءة طالع منج حتى عند العدو

بحفج ربي يا اختي
:)

DiLLi O MiLLi said...

ديـــــــــــــــرة بطيـــــــــــــــــخ












الله يـــااااااخــــــــذ اللي في بــــــاااالي

Anonymous said...

مادافع عن حكومةظنظام دزني واطيح لكن الخطيب نصاب كبير وطلع كل عقد النقص
سعدالعبدالله خلصت مشاغله عشان يعزمه بصره ويصوره وهو يتكلم
تيس بيحكي وخنازير بتسدء

Anonymous said...

مو شي يديد الغزو صار والسلطه ولا تدري شالسالفه

Snow White said...
This comment has been removed by the author.
Snow White said...

اختراق أمن الدولة هل حول الكويت محطة ترانزيت للإرهابيين ؟

ومن قال ما عندنا خلايا نائمة بينا!

هذا كله من بركات الحكومة وضعف أجهزتها الأمنية وسهولة اختراقها! والسماح للتيار الديني بالتغلغل بالمجتمع وبسط نفوذه إلى أن وصلنا لما نحن عليه الآن من تردي وسوء الأوضاع في البلد!
والله شي يقهر
ما أقول إلا الله يحفظ بلدنا من كل مكروه

White Wings said...

بدران
صحيح، اذا نبي وحدة عربية، ليش ما بينا طريق هاي واي واحد؟؟
:)
مشكور على الرابط

زوز
أهلاً وسهلاً
خوش اسم
:)
والله مادري، الكلام اذا صار فوق العشرة آلاف دينار يخرعني
:)
كلام صحيح، ويذكرني بالكلام عن حملات مجلس الأمة
من يدفع مبالغ طائلة للوصول لابد لديه خطة لتعويض المبالغ هذه

أمل الكويت
آمين
ولو خليت خربت
الطيبين المخلصين ما زالوا موجودين، لا لليأس لا
:)

the lazy bears
بس العربي ما يموتشي مثل ما غنى عبدالحسين عبد الرضا
:)

محسد
يا سلام، يعني هذه نسخة متطورة عن "الفساد ما تشيله بعارين؟" الكونتينرات مو من عاداتنا وتقاليدنا
:)

مطقوق
صدقت
عندنا سيستم قوي وعجيب وفعال وسريع جداً للتطمطم
آه لو يستخدمونه لانجاز معاملاتنا في الوزارة
:)

amethyst
discreet enough...for them :)

زرادشت
أنا مالي شغل بسالفة المسؤول الكبير
يا معود خلنا على حجوة "هذه حالة فردية ولا تمثل ظاهرة لدي الشعب الكويتي" خوش كلام...يريح
وبعدين يا خوي ما عندنا أخبار تفرح، يعني أخترع خبر عشان بوست فرفوشي؟
:)
انت بس اطلب، البوست القادم تبيه عن شنو؟
شوف عزيزي
أنا أسوي لقيمات ومحلبية
تاكل اصابعك وراها
صحيح لقيماتي ساعات أشكالها مادري شلون قايلة
وناعمة كلها عجين، بس كافي انها من ايدي
وما عندي طباخ، انا من الطبقة الكادحة
والهريس أنا أسويه روعة من الدكان الي يم بيتنا
:)
دهن عداني؟ حتى ما اعرف شلون قايل
سحورنا خبز وجبن قلاصات، اشقلت؟ والله تشرفنا، ما يبيلك عزومة
وبسك، عن الأسئلة المحرجة
:))

فهد العسكر
هلا بالشاعر الكبير
هذه ادارة بالبركة؟ ليش موردتلنا المصايب عيل؟
:))
وينك غاط؟ مكانك يبين ترى

موك
هلا وغلا
مشكور عزيزي
كافي واسطتك
صار ما صار، كلمتك تطلعني
لأن زوجي مهددني ماله شغل فيني
:))

ديللي
ومعاه الي في بالي
آمين
:)
يبا...أبي أشوفج
حرام عليج
لو أبي أشوف باراك أوباما كان وايد أسهل
:)

أنونيمس
يعني هذا نقد محكم للمذكرات
!!
الله يهداك بس
هذه مذكرات، يعني وجهة نظر مو توثيق تاريخي
أكيد ما راح يعجبنا كل ما يقال
بس لو احتراماً لعمر الرجل، مافي داع لهذا الاسلوب
ولو عشان الشهر الفضيل
والا ايه؟؟

حمودي
احنا ما عندنا استخبارات كويتية؟
ليش كله ماندري شسالفة؟
:)

سنو وايت
آمين عزيزتي
عسى تبقى الخلايا في غيبوبة دائمة
وتفيق أجهزتنا الأمنية من سباتها الصيفي/شتوي
عسى
!!

AuThoress said...

يا وينغز الحبيبة... عندي كلام كثيـــر، تعبئة عارفة؟

لكن الاحباط أكثر.. سؤال صغير، شنو في البلد عدل، عدا توافر "الطعام والشراب وأماكن الاستهلاك"؟

هذه هي السياسة المتبعة التي خلقت "فرداً" لا مبالياً بغير "حاجاته" ولم تخلق "مواطناً" عنده خوف/انتماء حقيقي على "وطنه" ...هم قاعدين "يربون" القطيع، وليس "أفراد من المواطنين" ...يعطون فلوس زيادة كلما وصل للدنيا "عجل" جديد وهكذا....شلون تطلع النتائج بالله؟
تطلع على وزن "إرفع راسك أنت كويتي" كويتي ومو إنسان حضاري ويفكّر
... على شنو يرفع راسه


عرفتي وإلا أسمي الامور بأسمائها؟


خلينا نعمل بجد وحب لهذه الأرض اللي "راحت" بـ ليلة، وإلا محّد يذكر؟

بس لاهين .. قال فلان وقال علان

Don Juan said...

تحصل في أحسن الدول هالاختراقات مثل ما قال وزير الداخلية حفظه الله و رعاه :)

يعني احنا أحسن من روسيا و أمريكا ,, طبعاً لأ

ما أقول إلا

أصبخص :)

White Wings said...

أوثوريس
نعمل حبيبتي
سيري ونحن من ورائك
وخلي الي يقول يقول
واحنا يا عزيزة رعايا مو مواطنين
فلا تقولين شي تزعلين علينا من يجب ألا يزعل
:)

دون جوان
وزير الداخلية هذا من بعد تصريح المايوهات وهو...دمه خفيف على قلبي
:))