لا نضيع البوصلة
موضوعنا مو طائفي
والمناهج التي انتظرت 20 سنة
ممكن تنتظر بضع أسابيع أو حتى شهور الى أن ننتهي من قضية وزير الداخلية
موضوعنا هو الوزير وملايينه الخمسة
مو كل ما صار شي رموا جراقي بين الشيعة والسنة
ترى السالفة صارت قديمة
وما عادت تنطلي
كافي...عيب
11 comments:
no no no dear
we can do both
we love it
أشوة أنة جراقي مووو شي ثاني
:)
ma6goog
BOTH ?!! no no no !!
مخوخهم ما تستوعب ألا موضوع واحد
:)
ما ادري اول ما طلع هالموضوع تذكرت اغنية المرحوم حليم خصوصا المقطع اللي يقول
رجعت ثاني ضحكت نفس الضحكة و راحت ماشية
بيسوون زخم مو طبيعي و نطري و بتشوفين
لأ لأ يا ختي احنا ناس دأه اديمه
"لا يستقيم الظل و العود أعوج
يعني شنو بيصير
لو مرة
قعدنا من النوم
ناسين احنى
سنة والا شيعة
ما أظن الله يحتاجهم
قد ما أهم
محتاجين بعض
بس من اللي يفهم؟
مشتاقة
دومي بحب
تحياتي
الجماعة هذي طريقتهم
يعالجون مشكلة في مشكلة
و خلوا الناس يلهون
:(
تعليقاً على مسألة الجراقي بين السنة والشيعة إليك هذه النكتة الطائفية:
اثنان سني وشيعي يتمشيان معاً وفجأة قامت الزوابع والرعود واغبرت الدنيا وانكسفت الشمس ، فصرخ السني : يوم القيامة .. يوم القيامة! فأجاب الشيعي مستخفاً ومستنكراً: لا لا لا يوم القيامة عندنا باكر!!
هذا غيض من فيض الهوشات والخلافات التي تستجلب الضحك لا الغضب.
وأخيراً يا عزيزتي شنو قصة عباس محمود العقاد؟ ما في غيره شاعر حب أجمل وأحدث؟!
انا عندي راي
ليش ما يلغون ماده التربيه الاسلاميه ونفتك؟؟
ثاني شي عيب من حكومه تهذر 24/24 ساعه بأنها ضد الطرح الطائفي وأهي اول من يستعمله
ثالث شي الصراحه نبي حقوقنا بالمناهج نحن الملحدين على الاقل احنا نعلم معاني الانسانيه
بعدين تعالي
انتي وينج ما تعلقين عندي؟؟
هل هو كبرياء منج ولا شنو بالضبط؟
ولا هل هو مخافه من معصيه الرب وبعد القراءه تتسبحين 7 مرات ؟؟
ولا ما تبين تنشبهين انه داشه مدونتي الكريمه؟؟
وثاني شي متى عزيمتي تراني لحد الان يوعان قرقشي مخباتج يا البخيله
على الاقل بمناسبه السياره اليديده بدال القديمه القرمبعه مالتج
ابي الاجابات الحين الحين
عندي اقتراح آخر .. انهم يدرسون الاديان الاخرى من مصادرها، إضافة للإسلام... من هنا ننشئ جيل يقبل بالآخر
معليش صيف والحرارة تاكل من طاقة الانسان .. خلونا مرتاحين شوي
مشتاقة للجميع لكن جنون العمل الصيفي بلع كل طاقتي
اعذروني على الرد الجماعي
أهلاً بكم
Post a Comment