Tuesday, October 27, 2009

مينونة

أعجبني الخبر جداً، لأنه أضحكني بالرغم من وجوده في صفحة الخارجيات

يا ليتني شافيزاً فأقول، مثله، عن بعض الناس قولاً عظيماً


وعلى ذكر التخلف العقلي، أمارس رياضة المشي في ممشى عبدالله المبارك يومياً
ممشى أقرع لا أثر للون الأخضر حوله، وليس له مواقف تخدمه
يعني ...ممشى على قد الحال
وبينما أمشي مترنمة مع الأغاني التي تنبعث من الآي بود، أبتسم للمرور زملاء المشي والركض وأحييهم بهزة من رأسي، طبع مو زين اكتسبته من المعيشة سنوات في الخارج. ردة الفعل خلابة: السيدات يشحن بوجوههن وهن يسحبن عباءاتهن باستياء وتقزز، أما الرجال فيرفعون حواجبهم متعجبين من المجنونة التي تركها أهلها تركض على ممشى المنطقة دون حسيب أو رقيب. وحدهم الأطفال يتجاوبون، يبادلونني الابتسامات وأحيانات غمزات من أطراف العين
الآن، أصبح الموضوع جزء من تسلية رياضة المشي، منها تحريك للعضلات وتخفيف للشحوم، ومنها مداعبة أهل المنطقة والتحرش بهم
بس والله نيتي طيبة
وطبعي يغلبني

وأخيراً،
أحبه و أحبه كثيراً
حالتي مستعصية؟؟

17 comments:

BoHSaiN said...

هاليومين رطوبة مو مال ممشى كلش..

Mok said...

لانج طبيعية اختي

بس فعلا هاليومين رطوبة محمله بتلوق

Mok said...

بتلوث اسف

Sami said...

SHOOSH said...

وناسه

بيي أمشي معاج

يصير ؟؟

بس آنا بسرعه أتعب

أمشي نص و نص تردفيني على قاري

:)

none said...

ma3indich thoq =p

بومريوم said...

كلها كم اسبوع و نواب المنطقة بيسوون ندوة حاشدة عن الظواهر التغريبية فى المنطقة

Enter-Q8 said...

الله يستر عليك باكر خوفك يركضوو وراك و يحذفونك بصخر

Soud said...

انتبهى من لجنه الظواهر السلبيه

يقولون هالسنه راح يشتغلون عدل ويعوضون اللى فاتهم

اوفر تايم :P

Someday said...

انا تعلمت اني ما ابتسم بويه احد
الا اذا ابتسم لي

بس بالسفر لما اشوف كويتين
"حيل يبينون"
انسى طبايعهم العجيبه للحظه و ابتسم
بغربه و فرحانه فيهم
بس هم ما كو فايده نفس الرد في الخارج و الداخل

White Wings said...

بوحسين
قبل يومين رحت أمشي الساعة 12 ظهراً، عدت الساعة 1 وكأنني من الأموات
:)
لا رطوبة ولا حر يهموني
:))

موك
مشكور عزيزي
أنا كلمت صالح العجيري في موضوع الرطوبة، يقول يحاول يشوف حل
:)

سامي
أهلاً وسهلاً
:)

شوش
ما عندي دلع في المشي
تعالي، واذا تعبتي ركضي
:)
أدري بايخة

none
هممم، عندي، بس قديم وداثر
:)

بومريوم
أشوه عبدالله المبارك ماعندها تمثيل نيابي
كيفنا، بعدنا منطقة حرة

enterq8
والله مافي على أهل منطقتي، بس لو يبتسمون شوي
:)

سعود
ما يدخلون منطقتنا، احنا خلف الحدود المسموحة لهم

Mamloo7a Q8ia said...

ههههههههههههههه
ههههههههههههههه
والله انتي العاجل فيهم

افكر جديا امر عليج
وامشي معاج
بس خل يتعدل الجو

انا المشي عندي داخلي
ما اقدر على الحر والرطوبه

مخمليه بعد انتي تعرفييين
؛P

مشتاقووون حبيبتي
:***

Don Juan said...

حتى حق الأطفال لا تبتسمين ,, يخرعون أطفال هاليومين الواحد ما يدري شيخشون ورى هالابتسامة << من تأثير فلم The Orphan ;p

t.q8 said...

كسرتي خاطري والله
علىبالج الكويت مثل برا
خلاص ولا يهمج بجي
اركض وياج وكل ماشفتج ببتسملج

Mozart said...

في الحقيقة ما عندي مانع اني احيي الناس اذا رحت الممشى و لكن صراحة التعب و الحر ينهكون الواحد وودك بس تخلص و توصل السيارة !

bo shnan said...

يا جماعة الخير ذبحني القهر .. بقولكم السالفة و ابيكم تشورون علي .. من الاخر توني طالع من مخفر خيطان الساعة وحدة الظهر يوم الخميس 29-10 بالضبط والله العظيم ان صوت الطق و البجي طالع لي برة المخفر .. قاعدين يعذبون واحد صعيدي و قاعد يصرخ من قمة راسه و يبجي من العوار جنه ياهل .. و الوضع طبيعي بالمخفر .. جنه الموضوع روتيني .. طلعت دقيت على الجمعية الكويتية لحقوق الانسان قتلهم السالفة .. قالولي راح نوصل شكوتك حق رئيس اللجنة و ندز كتاب حق وزارة الداخلية .. اقولهم تعذيب اشكرة جنة سجون صدام يقولي ندز كتاب .. حسيت ان الكويتين كلهم فروخ شارون .. شالحل ؟؟؟

White Wings said...

هلا مملوحة
يا ريت تمرين نمشي مع بعض
جربي المشي الخيشي، جداً لطيف
:)
مشتاقون أكثر حبيبتي

دون جوان
وليه
يعني شسوي؟ أمشي بيدي عجرة؟
:)

tq8
عسى تبتسم لك الدنيا
حياك

موزارت
يعني المسألة مو في التحية، المسألة في الوجوه المكفهرة
:)
أكيد أنت من متريضي ممشى مشرف، مادري ليش
:))

بوشنان
خبر مؤسف
للأسف ليس لجمعية حقوق الانسان صلاحيات أكثر مما ذكروا لك، يعني لا يستطيعون دخول المخفر للتحقق من الموضوع، ليس لهم صلاحيات كما لجمعيات النفع العام في الخارج
راح أتابع الموضوع مع الجمعية
شكراً ذكرك للمشكلة
مهم جداً أن نكشف هذه البلاوي