Tuesday, October 10, 2006

قرقيعان وقرقيعان




إشرايكم؟
نحتاج أو نستطيع أن نستوعب تنظيم ليبرالي أو مدني جديد؟
---------------------------------------------------------------------------------

إشرايكم؟

الى الصين لشراء مواد وأثاث للبيت الجديد، يسوى؟

--------------------------------------------------------------------------------

الطبطبائي: المناهج حشو ولا أتحمل مسؤولية تعديلها

إشرايكم؟

المناهج مسئولية من؟ جدتي؟

----------------------------------------------------------------------------

Yasmina's latest school words of wisdon:

if your clothes catch on fire, stop drop and roll

كل قرقيعان وأنتم بخير

17 comments:

Mamloo7a Q8ia said...

الحمدالله على السلامه وردت الروح بردتج
والله يعينج ويعاونج ويرجع الشغاله بالسلامه
الاخ الطبطبائي وزير التربيه والتعليم ولا لأ ؟؟؟؟ يعني منو المسئول عن تعديل المناهج ؟ اعتقد والله العالم الشغاله مالتكم الله يردها بالسلامه وتعدل لكم المناهج والبيت سوا سوا
خشيت لج مكان في قلبي لا تحاتين

Anonymous said...

هالطبطائى بلدوز بس تبين الصج وجهة نظره صحيحة الريال يدرى شنو كمية الاخطاء بالمناهج ولو صرح الحين بان راح يعدل المناهج راح ياكلونه
ترى مو شوية نقفة نورية الصبيح يعنى الريال قاعد يحاول بس وزارته مقبرة تعتبر

White Wings said...

مملوحة ودمج عسل
وما أدري لا زم أحاتي، صديقتج الي خصصتيلها بوسات كامل مبين ماخذه الجو كله :)

مشاري
ما قلنا يوعدنا بتصحيح أخطاء المناهج، بس على الأقل يعلن بدأ محاولة جادة، والا الأخ شنو ينتظر؟
ومحاولاته مو عاجبتني، وأنا رأيي مهم، تدري :)
شخبارك مع منتصف رمضان؟

Soud said...

كل قرقعيان وانتى واسرتك بخير وصحة

بالنسبة للأثاث من الصين يسوى ليش لا وطبعا ارخص واحلى

فى معرض يقام فى الصين كل سنة مرتين الاول يمكن بشهر 11 والثانى بشهر 4 وفى المعرض يسوون تخفيضات كبيرة


عندى سؤال بالنسبة للمدارس الامريكية ليش يقومون بتأخير الطفل او الطالب سنة يعنى اذا الطفل يدخل مثلا الثانى ابتدائى فى المدارس الحكومية او الانجليزية يحطونة فى الصف الاول ولما تسألينهم يقولون نظام أمريكى فشنو العبرة ؟

Maximilian said...

I tottaly disagree with mr mishaari

who then takes responsiblity for that man!!!!

Alia said...

بعد تنظيم جديد .. ما أعتقد له داعي؟ بس ما أدري


والصين .. توني قاعد أقول حق يويو ان السالفة شنها ما تسوى .. بس اهي سياحة ويمكن تشوفون اشياء حلوة ومو موجودة هني
بس لا تفسفسون في الحلال وايد .. بنروح لبنان

Anonymous said...

منتصق رمضان روعة مع الاجازة
بس عزيزتى انا شفت مناهج الثانوية الجديدة استغربت
يعنى انا من مؤيدين وضع القران ودراسته وفهمه
بس الكمية اللى مو جودة للحفظ احس انها صارت وايد
الطالب نفسه صاير مو مستوعب ليش اهو قاعد يحفظ
لكن على الجانب الادارى
هالوزارة تلوع الجبد يبيلها وزيرين يالله تضبط

Mohammad Al-Yousifi said...

hmm

we can handle a new liberal est

and going to china for furniture is very common these days , i think u have to be careful

cheers

Spontaneousnessity said...

yalaaabi yasmeena 3asal =}

but shouldn't the school teach them how not to catch on fire instead of teaching them what to do if they do?!

بالديسار said...

الطبطبائي، مع احترامي لمؤيديه، يتعامل بحذر شديد لا داعي له مع الجماعات الإسلامية بالبلد
بصراحة توقعت منه مواقف اقوي من ذلك كونه يحمل أمانة تعليم الأجيال القادمة بين كتفيه
لكن المشكلة في رغبة كل شخص بالحكومة الحالية في إطالة مدة الجلوس على عرش الوزارة لأطول فترة ممكنة دون التعرض لمسائلة نيابية
والضحية لهذا الصراع بين نواب يسعون للتصعيد ووزراء يسعون للبقاء هو ضياع البلد بمن فيه

ودمتي بخير

Witty said...

السلام عليكم

(1) هممم سالفة هالتنظيم اليديد ذكرتني بإيميل وصلني من فترة، بس طويلة السالفة أقولها بعدين ..*احم* بس ليش تنظيم يديد؟ هل التنظيمات الموجودة ناجحة لهالدرجة اللي يبون يسوون زود منها؟ (ما اعتقد) والا التنظيمات الحالية غير مجدية فقالوا نغيّر السياسة؟ (إذا هذا تخبّط)

(2) أثاث الصين يقولون رائع ورخيص والعهدة على الراوي ، أنا أقول اتكلي على الله وروحي قبل لا يأممونه الكويتيين ويصير أغلى :|

(3) إيييه الطبطبائي جزاه الله خير يخاف يتحمل مسؤولية تعديل المناهج ، مو خبرج أمانة هذي وما يقدر يوقف جدام الله سبحانه وأميرنا المفدى ويطق الصدر ويقول أنا اللي بعدّل ، باجر يحاسب على كلامه الله يهداج ..

أنا أقول هذه مسؤولية الطلبة ، لازم يحشون مخهم بالمعلومات واللي يحفظ أكثر ينجح والمبدع والمتقدم في العقل يسمونه غير منهجي ولا يكافأ..

درسوا يا طلبة وطالبات "إلى أن يقضي الله أمرًا كان مفعولا"

(أنا أءيد كلام بالديسار)

ما عليج .. أنا بخلص إن شاء الله دراستي وأرد أرشح نفسي في المجلس المبجّل ، يا صرت نائبة (الست النايبة) وكل يوم مسوية استجواب ، يا صرت وزيرة التربية وعدّلت أنا المناهج، عاد حزتها بخصص لجنة لدراسة المناهج (من أولها خطة فاشلة دام فيها لجنة ودراسة.. بس ما عليه) وبحط خطة خمسية لتعديل المناهج عاد تنفذت في عهدي والا في عهد اللي بعدي اسمها سويت شييييييي!!! مو؟


(4) يا زييييييين هالياسمين والله :) الله يخليها لكم إن شاء الله ، ومثل ما قالت سبونتينيويسيتي
(dont ask how did I do that lol)
مو المفروض يعلمونهم اشلون يتلافون النار أولى؟
جيكي.. أخاف الطبطبائي له يد في الموضوغ :|

ودمتم :)

Hanan said...

التغيير شي حلو إذا كان الهدف منه التجديد بس مادري السياسة لعبة وسخة و أنا مو مرتاحة حق أسباب هذا التغيير. والله أعلم يمكن أكون غلطانة
أما عن تغيير المناهج فأنا أجزم إن التغيير واجب لكن إذا حصل تغيير ضمن هذي الإدارة راح يكون للأسوأ بلا شك. بعدين المدرس المتمكن ما تهمه المناهج. مشكلتنا في رداءة غالبية المدرسين سواء الكويتيين أو غيرهم
and not the most important matter here, yasmin, can she stop drop and roll fast enough? the bukhnag looks good on her.

Hanan said...

not=now :)

Soud said...

صارلك فتره مو مبينه لا يكون مسافره الصين ؟؟؟

نطرى عاد لما ينتهى رمضان ;p

White Wings said...

Soud
كل عام وأنت بخير صديقي
زوجي أخبرني ان هناك شركات كويتية ممكن تنظم لنا رحلة وتدلنا على أماكن الرخص الصينية، نشوف
والحقيقة لأ ما سافرنا، بس الوقت يمر في رمضان بشكل عجيب
ومادري ليش بسألك، تشوف برنامج جدرنا؟ أحلى برنامج فكاهي رمضاني، والا اشرايك؟

Cute-q8i
This man is all trouble; I don’t think any one would want to take responsibility for him :)
Actually, in the Kuwaiti system, no one takes responsibility for anyone or anything, you can always slip away and out :)
So do you like Demi Moor’s young hubby? :)

Alia
والله عاملة حسابي نوفر للبنان، وطالما مافي بي سي بي جي، ما في مشكلة

مشاري
صدقت عزيزي، الأولاد يحفظون القرءان اجباراً، وما أن يسمعوه في الفصل حتى ينسوه لحظة الخروج منه
والوزارة يبيلها وزارة، والوزير يبيله تسفير
:)

مطقوق
انت صديق اليابان، صح؟ اشوفك مو متحمس للصين

Sponty
الدواء قيل الفلعة عزيزتي
Miss you a whole kilo

بالديسار
صحيح سيدي، الكرسي غالي، ويظهر انه يسوى مستقبل كل الأجيال القادمة، ترى ما هو الحل؟

Witty
أنا بانتظارج، أول شيئ نائبة وبعدين وزيرة وبعدين مستشارة، بس لا تنسين ربعج
والمناهج مو مشكلة، انتي بس ركزي على ملابس الطالبات، ومنع المدرسات من البنطلونات، ومنع حفلات التخرج، وكله يصير تمام
ويخليلك أحبابك غاليتي، راح أسأل المدرسة ان كان الطيطيائي له يد في الموضوع، أخاف بيشب باليهال ويطلع حرته فيهم
:)

حنان
صحيح والله، التغيير مع هذه الادارة سيكون للأسوء
وما فكرت في موضوع سرعة (أو بطأ) ياسمين، اهي تاخذ عشرة دقائق عشان تشرح الطريقة، عليج العد في تنفيذها
:)

DiLLi O MiLLi said...

حبيبتي وايت ونغز

أنتي شفتي تشكيلة التنظيم الجديد مثل ما قلت في بلوقي أيذكرني بعلبة الماكنتوش خلط من نواب محسوبين على الإسلاميين ونواب ليبراليين ونواب مستقلين ونائب أمضيع بوصلته

للحين ما نزلتي بيتك الجديد؟! ذكرتيني بأختي اللي من بدت تبني صار لها ست سنين أقولها أنتي قاعده تبنين قصر الفرساي !؟

يا وزير التربية : المركب لما يغرق آخر واحد ينط في البحر النوخذه وأنت توك مستلم مركب متصدع ما غرق للحين تبي تنط من المركب بدل ما تحاول تصلح التصدعات وتخليها تبحر بسلام

ياسمينه حياتي أشحلاتها بالبخنق الله يحفظها من كل شر ....أما سالفة الحكمه اللي أمعلمينها فذكرتني في المثل المصري اللي يقول : اللي أختشوا ماتوا ... ترى هذا المثل له قصه وهي حصلت في تركيا في حمام تركي شبت فيه النار والناس داخل كانوا من غير هدوم فا اللي خاف طلع ملط (من غير هدوم) وسلم ... بس اللي أختشوا (أستحوا) يطلعون جدام الناس ملط ماتوا

الله الحافظ ... وربي يبلغك بشوفة أعيالها وعيال عيالها يا رب

White Wings said...

hamad
الى الآن، الديين ليس في الصورة، ولكنني أتمنى أن يلعب دور كبير مستقبلاً

dilli
أهلاً غاليتي
روعة قصة الي اختشوا ماتوا، ما كنت أعرفها
وأروع النائب الي مضيع بوصلته
صج عسل
وبيتي تونا كملنا السنة في بنيانه، لكننا متمهلين الى أن تعتمر المنطقة
ويخليلك أحبابك ويبلغك الخير في كل عزيز
زيارتك دائماً تبهج القلب

bonaviita
صحيح صايرة هبة، للفقاره الي يبون يوفرون :)