هم لا يتجنسون أساساً
لأن المرأة ليست مواطنة كاملة الأهلية
أولادها ما فيهم ما يكفي من الدماء الكويتية
ندري من زمان
تلغون شنو بالضبط؟؟
Subscribe to:
Post Comments (Atom)
About Me
- White Wings
- lost and searching for the light
مجموعة صوت الكويت
Fellow Bloggers
- alia
- Alien
- Authoress
- ayya
- bo jaij
- bo sale7
- bunaz
- da vinci
- dilli o milli
- eshda3wa
- hanan
- hilal
- iDep
- kasik and luloo
- kha6er
- kilama6goog
- mamloo7a
- mantovani
- Mishari
- newme
- papi
- pepsi-guy
- shurouq
- sologa bologa
- sponty
- ummel3yal
- valencialover
- walladah
- wonders
- zaradacht
- العلمانيون
- امرأة مؤجلة
- بالديسار
- بو مريوم
- ساحة الصفاة
- طائر بلا أجنحة
- عين الصقر
- مبدعون كويتيون
35 comments:
و الفضل يعود للمادة الثانية من الدستور و التي تقول بأن المراه ناقصه عقل و دين
تصريحاتهم أثبتت فشلهم في إدارة البلد, لا يحترمون أحد فالمرأه يرونها دميه ,, هذا التصريح يثبت أن قائله بلا عقل
الناس تتسنع واحنا نرد قري
الله يستر من الياي
مع سياسة التطفيش المتبعة ضد البدون ,, و كل المصايب و البلاوي الي على راسهم أظل أتسائل ,, شمصبر هالبدون على هالعيشة ؟
يعني مو كفاية عدم الاعتراف فيهم ,, هم الحين طالعين بهالطلعة اليديدة
خو روحوا بريطانيا ,, روحوا كندا ,, روحوا المانيا ,, روحوا النرويج ,, روحوا السويد ,, أرض الله واسعة ليش حاكرين عمركم بالديرة الي ما تبيكم ؟؟
يامرون الناس بالمعروف وينسون انفسهم
أسمحيلي انه ابط الجربه لانه من قريت هالخبر الصراحه تنرفزت شنو الغاء تجنيس ابناء الكويتيات؟؟
وشنو الهدف هل الهدف منع الزواج المختلط من جنسيات ثانيه؟؟
هل الهدف من ورا هالقرار اعلام الناس انه الجنسيه الكويتيه محد ياخذها لو حفر الارض؟؟
مو اهم مصرحين بالخبر انه راح يجنسون من يستحق من البدون؟؟
وولد الكويتيه لو شنو يسوي ماراح يشم الجنسيه؟؟
صج قله حيا من حكومه ماتعرف تصيغ بيان ولا تطلع خبر وبالاخير يقولون ليش الناس مو عاجبها شغلنا
الشي الثاني هذول الي مدوخينا بثوابت الامه ومكافحه الظواهر الشاذه وينهم عن هالتصريحات ؟؟
ولا السالفه فيها المرأه الكويتيه الي يعتبرونها ناقصه عقل ودين ومتاع جنسي لا أكثر من وجهه نظرهم المريضه؟؟
وينهم عن نائبهم السابق ألي مزور 3 آلف أقامه للعمال البنغال المساكين والاخ بلبنان يصيف وازيد من الشعر بيت هالنائب الاسلامي الحدسي مختلس 18 مليون من احد الشركات والقضيه لحد الان بيد المباحث
ولا بس شاطرين انه يلحقون جم جنس على جم بويه على قولتهم وسوها مشكله القرن بالكويت؟؟
ناس ما تستحي لا من الحكومه ولا من النوايب الي هلت علينا ولا تترجون شي من لجنه حقوق الانسان لانهم مشغولين بجماعتهم في غوانتنامو
صج قله حيا
القانون من الاساس مسخ
خلوا الناس يطلقون حريمهم علشان يحصلون هالجنسية
مشكلة بدون مو قادرين نحلها
عيني علينا باردة
من متى كان القانون (الخايب والخايس) يعطي الجنسية لأبناء الكويتية المتزوجة من أجنبي؟
الاستثناءات اللي صارت وتصير كلها عن طريق الواسطة, أو كلش كلش عن طريق الشروط الخايسة المعروفة واللي عمليا مو مقنعة
صج خبال, مو يا الحمير (المصرحين ومطلعين هالقرارات) اصلا قانونكم الخايس يمنع, شلون يصير عنكم توجه مستقبلي بالمنع؟
شفيهم ربعنا؟
ترى والله مو معصب
انا بس قاعد اجرب احبالي الصوتية
:P
ديرتنا تونّس والله
كل شي غريب ينشاف فيها
يعني يمنعون الممنوع اصلا
!!!!!
حتى نستمر كشعب عظيم
علينا أن نتحمل التضحيات
الحكومة بتحط نفسها بمواقف باااااااايخة ..
شـــفيج حبيبتي ؟؟
أنتي هالأيام صايرة
Mother Teresa !!
:)
شوفي أنا ضد
تجنيس أبناء الكويتيات
وضد
تجنيس الغير كويتية المتزوجة من كويتي
هذول مو عندهم جنسية ليييش تعطونهم الكويتية ؟؟؟
ومع
منح الاقامة الدائمة مع توفير الخدمات الصحية والتعليمية لهم
وعدم تطبيق قانون الأبعاد عليهم
بروح ألبس خوذتي
وأطلع درعي
عشان أذا لج نية تحذفيني بشي
ما أتعـــور
:)
يلغون النية
قرأت الخبر وكنت راح أكتب عنه
بس بعدين أحسنت الظن وقلت يمكن القصد هو إلغاء تصنيفات المواد لتلك الفئة
أوكي توني قرأت الخبر مرة ثانية
طلعت انا طيب زيادة عن اللزوم
مرحبا
واضح انه الهدف نبيل، هو الحفاظ على الهوية الكويتية
أعتقد ان هناك حالة هوس قد ضربت الدول العربية حول هويتها الوطنية
ربنا يزيد ويبارك
على هالعقليه
اهمه وين والتطور وين ؟؟
؟
مو مشكله اذا بتلغون تجنيس ابناء الكويتيات خل يلغون تجنيس ابناء الكويتين
تطبيقا لمبدا المساواة في الظلم عدل
او حاجه كدا
:)
زين يسوون ابركها ساعة
انا واحد مستانس
ابناء بنات ديرتي خل يقعدون معززين مكرمين بإقامة دائمة
تجنيس
بوت نهي هيه
انا اقول خلوا ضرايب بالبلد 35 بالمية من الراتب
واشوف مصري ياخذ كويتية
محنا الولايات المتحدة الأمريكية اللي تاخذ ضرايب من المتجنسين وابناء البلد ولا مثلها نحتاج جنود نقططهم بكل عاير بالعالم علشان نجنس كل من هب ودب على ابو ان امهم كويتية
وابوهم شنو ماله ديرة
ماله جنسية
ما صارت جنسية صارت ورقة لوتري
ماني لابس خوذة و ودي اصفق بسبة هالخبر بس بيدي فنيال قهوة
mozart
كما ويعود الفضل للمجتمع الذكوري الذي ينسب الأبناء لآبائهم دون امهاتهم
كأننا أنا وأنت نقرأ نشرة أخبار
:)
طلاسم
صدقت
المرأة عندنا مواطنة غير مكتملة الأهلية
دايماً تحتاج ولي أمر
والأمر لصاحب الأمر
:)
غدور؟؟
الي ياي تشوفينه على الصفحة الالكترونية للجنة استكمال أحكام الشريعة
ما أدري يضحك والا يبجي
دون جوان
حتى جواز مو راضيين يعطونهم عشان يطلعون
في أسباب كثيرة، لو كانوا يستطيعون تدبير عيش كريم في مكان آخر كان راحوا
وعلى كل، هناك ارتباط بالأرض يجب أن يؤخذ بعين الاعتبار
هناك حالات تقطع القلب، أتكلم من منطلق معرفة رسمية (من الاوراق) وشخصية ببعض الحالات
زرادشت
قهرتني أكثر ما أنا مقهورة
:)
الفكرة أن المرأة ليست مواطنة كاملة مثل ما أنت ذكرت
وانقالت للكثير من الكويتيات: والله ماحد أجبرج تتزوجين غير كويتي
تدري ان في مشاكل اجتماعية كثيرة ناتجة عن هذا الوضع، في طلاقات صورية تتم فقط لاعطاء الأبناء فرصة في التجنيس
ديرة تدفع بنساءها للذل والهوان
بودي أن أعف المصدر الحكومي الرئيسي لهذه الفكرة
على الأقل ندعي عليه
:)
وهذا أضعف الايمان
فريج سعود
الموضوع يبي دراسة
صار لهم ستين سنة يدرسون
عفية موضوع
وبالأخير راح ييبون اف
:)
حمود راعي السيكل
أحبالك الصوتية وصلت آخر الفريج
:)
طول بالك، السب مو زين، ترى ييون يكسرون مدونتك ومدونتي على روسنا
:)
عاشق وطن
ومنع الممنوع يجعله مسموح
مو؟
:)
بوجيج
يبيلك موسيقى تصويرية مع الجملة
:)
وليش كله النساء يضحون
ضحوا انتوا شوي بعد
:)
as you like
وما بتقولش سوري حتى
:)
أول ابتسامة أبتسمها اليوم من تعليقك
:)
ديللي
المشكلة اني ولهانة فما أقدر أحذفج
:)
عاد حبيبتي، انت تدرين رايي من زمان بهالموضوع
أنا ,وأخوك الرائع
بس انت مو عارفة قيمتنا
انزين ليش أبناء الكويتيات؟ مو مواطنات حالهم حال الرجل؟
ليش ما يعطون جنسياتهم لأولادهم
اشمعنى الرجل يعطي جنسيته لعياله؟
غاليتي، الأبناء يميلون تجاه الأم في الغالب، أبناء الكويتيات يشعرون بكويتيتهم أكثر من غيرهم
لازم تعزميني عشا لما ترجعين عشان يطيب خاطري
:)
عفية صداقة...بلشة مو؟
:))
مطقوق
لأن الأعمال بالنيات
جانديف
يلا استلمهم
نبي غسيل شراع
:)
عبدو باشا
أهلاً وسهلاً يا باشا
والكويتية ألا تورث الهوية لأبنائها؟
بلد بتاعت رجالة
:)
واي مي
يتطورون باتجاه الغاء الاناث
آخرتنا بيسوولنا محارق مثل محارق الهولوكوست
:)
حمودي
بالزبط كده
وساعتها ما يتجوزش الكويتي الا كويتية، والكويتية الا كويتي
ويصير دهنا في مكبتنا
:)
ولد الديرة
ليش يا خوي؟
اشفيها جنسية الأم؟
والا محنا مواطنات متساويات معكم في الحقوق؟
يعني الكويتي ياخذ له زوجة غير كويتية، ويصير عنده أربعة أو خمسة أولاد، حتى كويتيهم مكسر وحبهم لبلد أمهم، وياخذون الجنسية من لحظة ولادتهم وأبناء الكويتية الي يتربون على حب البلد
ني هي؟
مو شايف الظلم والا ايه يا عم؟؟
النساء هم السبب
شوف منو قاعد ينتخبون!
سحقاً للنواب
سحقاً لمن اختار النواب
وقليلا من اللعنات لا تكفي
انا مقدر انسانية المراه
بالمجتمعات المتحضره التي كلنا ننشدها
ولكن القرار اتخذ عندما اسيئ استغلاله
لانه دار ما دار الكويت كان بحر ..ولكن بعد الغزو اخلتف الحال دار ما دار الكويت قبائل عراقيه وسعوديه ولهم ابناء عمومه في الكويت ..ويتزوجون من بنات عمومتهن وتكون الزوجه الكويتيه هي الثانيه او الرابعه وترجع ومعها من 8 الي 12 ضنى
تعال جنسسسسسسسهم
لان امهم كويتيه ...تعليمهم غير وثقافتهم غير ولم يتربون بأحضان الوطن
يجب ان نفكر ...ان وضعنا يختلففففففففف
يقولون اهل الكويت
خوششششش مثل
غصبن على البل تركب جاريات السفن
فمالله
هل هو عقاب أم ماذا؟
غيري العنوان و خليه عندما ينعدم العقل
لان الي قاعد يصير عندنا شي مو طبيعي
White Wings
الله يهديني قبلج
سامعة بخطأين لا يشكلان صواباً؟
انا كلامي حاولت اخليه واضح
في وضع مثل وضع الكويت وعلى فكرة في كثير من البلدان
الجنسية تتبع الأب
الحين خلينا نسكن ونطبب اللي عندنا
مريتي الأميري من قريِّب؟
لا قامت مدينة الحرير جود يصير عندنا مكان :)
حسبي الله ونعم الوكيل
:(
صلاح
شقول؟
صح كلامك
:(
أوثوريس
لمن اختارهم اكثر
:)
غلطتنا سيدتي
ومثل ما قال أبو بكر سالم
أنا سبب نفسي بنفسي
:)
أجارالدين كشمش
الوضع نفسه بالنسبة للرجل المتزوج من غير الكويتية، بل أكاد أجزم أنه أسوء
لا تنسى أن الأم، في معظم الحالات، لها تأثير أكبر، الأولاد يميلون أكثر لتوجهها أياً كان
ولا تنسى الغير كويتية اذا تطلقت أو ترملت في الغالب تغادر البلد "بالكويتيين" من أبنائها، بينما الكويتية تبقى في بلدها
لابد من المساواة في المواطنة بين الجميع، أنا مثلاً، على الرغم من حججي السابقة لا أدعو لاعطاء الجنسية لأبناء الكويتية دون الكويتي
الحقوق لازم تكون متساوية
وحياك الله
:)
مارلين
تطفيش
يريدون الكويت خالية من الاناث
أرخص وأضمن أخلاقياً
:)
zombie-commando
صدقت
عموماً لا عقل ولا حياء
ناس تخاف ما تختشيش
:)
ولد الديرة
كلامك واضح، بس ما أتفق معاه
والجنسية لا تتبع الأب في معظم البلدان، ليس في البلدان المتقدمة على كل الأحوال
:)
الجنسية حق للمواطن والمواطنة وأبنائهم لانهم أهل البلد، لا فرق بينهم في الجنس أو الدين
صح والا في كلام غير هذا؟
ما يصير تحمي "تجانس البلد" على حساب النساء فقط، وهذا وأنا بعد أظن ان أبناء الكويتية يظلون أقرب للمجتمع الكويتي من أبناء الكويتي المتزوج من غير كويتية لأنني أعتقد أن التأثير الاجتاعي للأم، في العادة، يكون أكبر
على الأقل الكويتية ما تملك الا تتزوج واحد، الكويتي يتزوج له اثنين، ثلاث أجنبيات ويترس البلد عيال حتى كويتيتهم مكسرة
من يستحق التجنيس أكثر؟
بالنسبة لي، كلهم، لأن كلهم مواطنين
نقاشي أعلاه منطلق من حججك
الله يهديني بعدك
:)
manalq8
تحسبي عزيزتي، الوضع يعور القلب
:)
Ciao dall'Italia.
Visita il mio blog!
انا اقول المعاملة بالمثل
الريال اللي يتزوج غير كويتية ما يتجنسون عياله ... وكذلك الكويتية اللي تتزوج غير كويتي
لكن نمنع عن جهة ونسمح بعبط لجهة اخرى هني قمة التخبط
الحفاظ على الهوية شي جيد بس اي هوية ؟؟
خل نعرف الكويت الان بسنة 2008 شنو هي ؟
لا وطنية لا ليبرالية لا دينية لا رأس مالية
كوكتيل مخلط والسبب الاراء الرشيدة
تحياتي
تحاملهم غريب ومشبوه على المرأة
مناجرينها حتى على ما لا تمتلكه
أوثوريس
لعنات من قلب
جليلين حيا شنسوى
:)
بو صالح
أوافقك تماماً
وعلى كل الأحوال، الهويات المحددة موضة قديمة
الآن، المدن كوزموبوليتان
والهوية تتركز في الولاء للوطن فقط لا غير
بس أنا حساسة من منطق تعميم الظلم ليصبح عدل
اي نعدل بالخير مو بالشر
:)
عالية
تتذكرين واحنا صغار شلون الصبيان يطقونا لأنهم يحبونا...يعني بيلفتون نظرنا
أعتقد الربع الحين نفس الحالة
:)
سعود
الله عليهم
:)
Post a Comment