Saturday, August 23, 2008

انقذوا القلم

أوثوريس والقلم العربي


ينظم تجمع "مبدعون كويتيون" بالتعاون مع جمعيــة المحامين الكويتية ندوةجماهيــرية بعنوان" ماذا عن حرية التعبير؟"يشارك فيها كل من :د.علـــي الزعبي ، أ.عقيــل عيدان، أ.عبدالمحسن تقـي، د.ابتهال الخطيب، أ.إيمان البداح ،
أ.ميس خالد العثمان ،
أ.محمد هشام المغربي أ.يوسف خليفة ،النائب/محمد العبدالجادر.
وذلك تمام السابعة من مســاء يوم الثلاثاء الموافق 26 اغسطــــــس 2008، في جمعية المحامين الكويتية في بنيد القار
لنا حريـــــة التعبير .... لنا حريـــة الاختيار

35 comments:

راعي تنكر said...

احترامي الشديد لكل الضيوف المحاضرين
واحترامي الاشد لك المنظمين لهكذا ندوات تهتهم للحريات وحقوق الانسان

ولكن
مالجديد الذي سيقال
نفس الكلام
نفس الاسطوانة
نفس اللهجه
نفس الخطوط الحمراء التي اتحدى احد منهم ان يتعتداها
نفس الضيوف
نفس كل شيء يحدث في كل مرة

على كل حال اتمنى لكم كل التوفيق

عاجــل said...

موفقين

حمودي said...

معاكم

kila ma6goog said...

enshalla will come

White Wings said...

راعي التنكر
نفس الضيوف؟ صحيح؟؟
لو الكلام يتكرر، يظل أحسن من السكوت المطبق على ما يحدث
يعني نضيئ شمعة بل ما نلعن الظلام
:)
مشكور، نتمنى حضورك

عاجل
مشكور، راح تحضر؟
:)

حمودي
عاش
عساك على القوة

مطقوق
في كراسي
;)

حمّود راعي السيكل said...

ماني حاظر الندوة

أخاف أقوم وأسأل سؤال وتردين علي وتقولين ما فهمت شتقول

اهني اكيد راح تصك فيني الدنيا

انتو شعاركم "لنا حرية التعبير" يعني لكم انتو

مو لي آنا

نسيتي التيب اللي لزقتيه على حلجي؟

انا بروح اسوي لي ندوة بروحي

:(

اوكي نتكلم جد شوي

مع اني ما احب بس راح اظغط على نفسي شوي واتنازل عن كبريائي المسحوق والمهدور

الندوات جيدة وهي ظاهرة صحية لانها تبين ان في ناس تهتم

ان في ناس مافقدت الأمل وتحب تسمّع صوتها للكل

وفي
وفي
وفي

المشكلة مو بهالندوات

المشكلة بطريقتها واسلوبها

المشكلة انها تخاطب فئة معينة من الناس

ما تخاطب الكل

خطين تحت الجملة اللي فوق

هذي هي المشكلة

لو قدرتوا تحلونها

وتعالجونها

راج تنجحون وتصعدون أول درجة بالسلم

وان ماقدرتوا (وهو اللي حاصل لكم) فساعتها راح تظلون واقفين جدام هالسلم

لا انتو قادرين تصعدونه

ولا انتو راضيين تبتعدون عنه

شللي يخللي الثورات اللي تصير بالدول تنجح؟

شللي يخللي الشعب المسحوق اللي مو لاقي ياكل, يسمع كلام القائد للثورة؟

مو لانه يوعدهم بالاكل والحياة الرغيدة (تصير اكتب رغيدة والا هي غلط؟) ؟

يمشون وراه ويصدقونه

لانه يخاطبهم وكأنه منهم

وكأنه بيناتهم وعايش معاهم

وحاس باحساسهم ومعاناتهم

هذا الفرق

ندواتكم مخصصة فقط للنخبة

لا وأي نخبة

النخبة اللي انتو تختارونها

والي انتو تقيمونها

وتنقونها

هذي الغلطة اللي تطيحون فيها بكل مرة

لو قدرتوا تواجهون روحكم شوي

وتشيلون الغشاوة

راح تعرفون



شفتي؟

ترى آنا أعرف اتكلم

بس ابي ناس تشجعني وما تهبّط عزيمتي

ولا تقولين لي ما فهمت كلامك

ترى أروح أعلّق روحي من البنكة اللي بالسقف

:P



الميكروفون للي بعدي

J7-6 said...

ابتهال نظامها انا بترزز اكثر وحده يمكن يعطوني نص دينار على الترزز المره الجاية؟
مابقى الا نفتح الحنفية عشان تطلع لنا ست الجكر والشين!
وفوق هذا لاكو اسلوب ولامنطق.
اسامي مكرره كلام مكرر ،،، تبون سوشلايز وموعارفين شلون

White Wings said...

حمود راعي السيكل
نصيحة ممتازة
مشكور، راح أوصل وجهة النظر لمنظمين، ولو اني مو عارفة شلون احنا نختار الحضور
الدعوة عامة والمكان عام
ما نبعث دعوات
:)
بس نوصل وجهة النظر ويعطيك العافية
وكلام مفهوم وتمام
الله يخليك لا تنتحر
تخرب علينا الندوة
:P

j7-6
اي والله بايخة ابتهال هذي
كله تترزز
بعد شنسوي، الله يعينا
:)
ترى في متحدثين غيرها ممتازين، والبركة فيهم

و سوشلايز شي زين، يمكن قصدك شو أوف
هذا الموزين والي نبيه ومو عارفين شلون
:)
المهم حياك بالندوة، لا تطوف

حلم جميل بوطن أفضل said...

:)

مُحَسّدْ said...

عساهم عالقوة

lwatan-ajmal said...

ان شاء الله نحضر والى الأمام

سلسبيلاااااا said...

انشالله ما يكون عندي شي يومها

سوف أحضر من أجلكـــــــــي
وفقك الله انت ومن معكــــــــــي


ملاحظة
جاي سفن - أشكره (وحده) من الأسلوب
هاهاها

اول ذا بست

├ƓɧαɗσσƦ┤™ said...

بلا حرية تعبير بلا بطيخ
ماكو حرية تعبير
هني الي مو عاجبه لازم يسكت واذا تحجا ياويله
والي عنده كلمة حق يخليها حق نفسه عشان ما يجعمونه من كل صوب

بس يالله انشالله هالندوه من وراها شي

ثامر الطويرقي said...

موفقين يارب

وإليك هذه المقطوعة

جس الطبيب خافقي وقال لي : هل هاهنا الألم؟؟

قلت له : نعم

فشق بالمشرط جيب معطفي وأخرج القلم

هز الطبيب رأسه ومال وابتسم

وقال لي : ليس سوى قلم

فقلت : لا يا سيدي

هذا يد .. وفم

رصاصة .. ودم

وتهمة سافرة .. تمشي بلا قدم

Nina said...

بارك الله في مسعاكم اتمنالكم التوفيق

حمّود راعي السيكل said...

اختي أجنحة

يبا والله عارف ان الدعوة عامة والمكان عام

انتي شفتيني قلت شي غير جذي؟

هل آنا قلت ان ندوتكم راح تسوونها بأحد المحافل الماسونية مثلا؟

والا قلت ان لكم طقوس خاصة؟

خل نفرض مثلا مثلا انج تسوّين طرشي ومعبوج صناعة منزلية

واللي تسوينه وايد زين وبشهادة كل الأهل والاصدقاء اللي جربوا هالمنتج ويمدحون فيه

انتي تبين تسوقين هالمنتج

صج قاعدة تبيعين على اللي تعرفينهم

وهم قاعدين يشترون

بس هذوله شوية ناس

انتي طموحج انج توصلين للعالمية

مو قصدي هوليوود

قصدي تبين المنتج هذا ينباع بكل الجمعيات

تبين الناس تراكض وتدور عليه وتطلبه بالاسم

صح؟

شتسوين؟

هني يجي فن الدعاية والاعلان

لازم الاعلان هذا يوصل لكافة الشرائح بالفريج والمناطق المجاورة

عشان المنتج هذا ينعرف

وهمن ما يمنع من انج تسوين سامبلز او بروموشنز وعروض

وتوزعينها على كل المناطق



تعالي؟

انا شقاعد اخربط؟

:(

zaradacht said...

موفقين بس مالي خلق ايي رطوبه
انتي قولي شنو راح يصير بالندوه عشان نعرف شنو الي صار





ادري قلتي افا
لا تخافين راح ايي ولا بالصفوف الاماميه راح تلقيني بعد معاي نفيش وبيبسي

الا ما قلتيلي انتي شلون تطبخين معكرونيه بباستا مانيا ؟؟
انا خابر انه هذا مطعم ولا انتي الشيفه الي تطبخين بالمطعم؟؟

Hussain said...

You have quite a handful of comments here, don't you? :) kudos 3ala 6oolat el bal.

Will be there, Professor.

كاريكاتير said...

السلام

طبعا التحلطم وعزف اناشيد الحرية والخطابات الرنانة المدافعة عن الحرية وغيرها من ثوابت الدستور حافظينها وعرفينها ..اعتقد بان مشكلتنا مو في اسماء المشاركين ولا في مكان عقد الندوات ولا في زمانها المشكلة في الاسلوب

هذه الندوات ما يتعدى صداها باب مكان عقدها وبالكثير نقرا عنها في الصحف ومن غير تأثير حقيقي في شرايح غايبة عن المشهد.

لازم نطلع من السراديب وننزل الشارع ندخل البيوت ونشوف لنا طريقة جديدة شكل جديد نطلع فيه بسنا "سوالف وتحلطم مع بعضنا بعض.." انا متأكد لو جمعنا خمس اطفال من الشارع وسمعناهم صدقوني راح نسمع شي يديد ولا راح يأثرون فينا احسن من أي مثقف او دكتور في الجامعة مع احترامي للجميع

مع هذا لا اقلل من دور وتحرك التجمع بالعكس هذا امر معهود عنهم بس ودنا نغير شوي.

تحياتي

Mozart said...

اذا تركونا نعبر بحرية فهذا سيجعل الحرب متكافئه , و هذا قطعا ليس بصالح خصومنا

نتمنى لكم التوفيق

Anonymous said...

ماكو فايده

تدرون ليش؟

لأن الشعب مو قاعد يشوف مصادره لأي حريه من حرياته الشخصيه

الناس مو مهتمه الحين لأن المصادره ما اوصلتلهم لي الحين، بس بعدين ليما يتقوون الطرف الثاني و يصيرون اقوى ذيك الساعه راح يصحى الشعب ولكن الوقت راح يكون متأخر

نتمنى من الضيوف فضح حملة وأد الحريات و توضيح الامر للشعب بأن الوأد يايهم يايهم

و على الاقل خل يتكلمون عن اليمن كنموذج: بدت عندهم هيئه ارشاديه و قالوا انها مو تنفيذيه، وبعد فتره من انشاءها تحولت الى تنفيذيه والحين هددت بمعاقبة اي امرأه تخرج بدون محرم في اليمن و صار التهديد رسمي

بهالطريقه ممكن يصحى الشعب، لكن بتتكلمون عن الدستور و مواده و عن خرابيط ماراح يفهمها الشعب لأن مو معقوله ان الواحد يتكلم بلغه معقده مع العوام

لازم تبسطون لغتكم ولا اشلون تبون الناس تسمع لكم او حتى تفهمكم؟ ما تشوفون الاسلاميين لاعبين بعقول الناس؟ لأنهم يتكلمون بلغة الناس، اما ربعنا يتكلمون بلغة المثقف الاكاديمي اللي يكرهها الانسان البسيط و يحس انه ما
يفهمها فلازم يحسسونهم انهم قريبين من الشعب، مو احنا النخبه المثقفه

DiLLi O MiLLi said...

لاااا أســمع نبض القلــــم !!؟؟

Hanan said...

Sorry to have missed it sweetie. Hussain just told me about it. 3ad I'm bored and wanted something to do :)

White Wings said...

محسد
وياك
ما قصرت

لوطن أجمل
تسلم، ما نستغنى عن حضوركم

سلسبيلااا
لازم تحضرين
بدونكييي
لا تكتمل القعدة
:)
وجاي سفن دمها خفيف
أول مرة أسمع جملة أم الجكر والشين
هذه أخت أم السعف والليف؟
:))

غدور
مادام في غضب في قلبك جذي، ننتظر حضورك
كل فعل، كل اجتماع، كل ندوة، كل مجهود، لابد له أثر حتى لو كان صغير
نسوي الي نقدر عليه
نتمنى حضورك

ثامر الطويرقي
الله الله على احمد مطر
لافتة في الصميم
شكراً لك

نينا
تسلمين
دعوة جميلة نحتاجها
:)

حمود راعي السيكل
يعني ما لقيت مثل أحسن من مثل عن الطرشي والمعبوج
ما يصير اني أصمم فساتين ومجوهرات مثلاً؟
:))

زرادشت
أشوه انك صلحتها وأكدت حضورك
والا كان الحساب عسير
:)
وراح أعرفك بسهولة، نفيش وبيبسي

لا، أنا مو الشيفة في المطعم
أنا الشيفة الي في البيت الي تطلب من المطعم وبعدين تقول الطباخ طباخها
شيفة وكذابة
:))

حسين
comments here are quite supportive, and some are pretty funny
:)
so all is cool
and...we'll see you there :)

كاريكاتير
يظل التحلطم أحسن من السكوت
ومعاك حق، الأسلوب لازم يكون متجدد، هذه النقطة مأخوذة بعين الاعتبار
أبشر
ونتمنى حضورك

موزارت
الحريات عموماً في خطر كبير اليوم
والسجانين أنفسهم لا ينفون مقصدهم الاخير
راح تحضر؟
:))

White Wings said...

أنون
العمل وتجنب الشكوى الشفوية هذا بنظري فائدة بحد ذاتها
وملاحظاتك قيمة ومأخوذة بعين الاعتبار
عسى تتمكن من الحضور ليلتها
شكرا لك

ديللي
يا حبيبتي
نبضه ضعيف هاليومين
بس القلم مثل بطل الفيلم العربي
لا يمكن أن يموت أبداً
:)
تحضرين؟
;)

hanan
you didn't
yalla, i will see you tomorrow
;)

soul said...

... والله يا وايت ونجز أنا شايفة إن القلم ورغم حملة التعسف ضده التي على وشك البدء .. أراه شامخاً عنيداً
هناك أقلام في الصحافة على لأخص تقف بكل شجاعة لكسر نية الغدر بالقلم ..
جد هناك كتابات جريئة مقارنة بالتحفظ والترميز سابقاً ..
شلج بهالحجي
الزبدة ..جاية ..وعد مرهون بالظروف ..

White Wings said...

soul
عزيزتي، حرية التعبير ليست مرهونة بالصحافة فقط، وحتى في هذه، فان قانون المطبوعات مسلط على الرقاب
هناك عدد من الكتاب تضرر بشدة من هذا القانون
أما ايجاز الكتب، فحدث ولا حرج
نظرة لمعارض كتابنا الأخيرة تبين لك الوضع المؤسف عندنا
طبعاً الندوة ترمي للحريات حموماً، سيكون الحديث أشمل من مجرد المطبوع
وتعالي...يعني انت أقوى والا الظروف؟
:))

اجار الدين كشمش said...

معقوله هالعدد ؟
من المحاضرين
يا حب ربعنا ...حق تشتيت

الموضوع

وعدم التركييييز على الزبده

المفيييده

فمالله

White Wings said...

أجار الدين كشمش
ليس لجميع متحدثاً بالطريقة التقليدية
ستكون الندوة قصيرة بحسب التخطيط لها
أرجوك احضر واحكم بنفسك
:)
مشكور

Don Juan said...

الندوة " على قصر مدتها " كانت حلوة و خفيفة مافيها حشو زايد ,, و حركة حلوة القصص القصيرة من قبل القاص أ. يوسف خليفة :)

keep it up ;)

White Wings said...

دون جوان
الأعمال الأدبية التي قرئت كانت جميلة ولطيفة وخففت الجو فعلاً
شكراً حضورك

soul said...

شدعوة عطينا موجز عن الندوة
الي وصلني إن الي خذوا القلب بكلماتهم الاستاذ عبد المحسن مظفر ..
والدكتورة ابتهال ..
بالنسبة لي كانت ظروفي أقوى
؛)

White Wings said...

soul
الي أخذ القلب افتتاحية الندوة: شعر محمد المغربي
القصيدة في البوست الجديد
الكلمات كلها ممتازة
كلمة ميس كانت مميزة فعلاً، تمس آلام المبدعين عندنا في الكويت
كلمة عبدالمحسن تقي كانت شاعرية
كلمة علي الزعبي كانت مبسطة ومقنعة
كلمة محمد العبدالجادر كانت مجددة للثقة
ابتهال ختمت فقط
:)
الأعمال الأدبية كانت رائعة: شعر محمد المغربي وقصص يوسف خليفة
بالفعل كان لهذه الأعمال صدى قوي في القاعة
والجايات أكثر، تحضرين المرة القادمة ان شاء الله

مكان للعبث said...
This comment has been removed by the author.
مكان للعبث said...

ادعوكم لمطالعة مدونتي "مكان للعبث".
وسأسعد لقراءة تعليقاتكم عليها.
http://makanabath.blogspot.com